U花 U草
浸大純女拒做商業女神
後生女愛發明星夢，行性感露事業線求入行，但現讀浸大視覺藝術系 Yr.2的勞嘉怡（ Yuki），靚女兼識彈結他自彈自唱，一副入行做創作索女格，甚至連唱片公司都對她垂青，但女神 Yuki卻對入行耍手擰頭，「呢個圈好複雜，我暫時唔想入行，唔想俾人指揮我做咩吖。」
有性格要畀 like！
沒有很高音樂造詣的 Yuki，鋼琴只學到 3級，結他亦是無師自通，但一有空， Yuki就會執起結他自彈自唱，還會作歌上載到 facebook與好友分享。
為食推唱片公司
Yuki外形掂兼音樂有天份，加上聲線甜美（有點像台灣歌手陳芳語），與朋友組 band兼自資出過碟的 Yuki，連唱片公司亦看中邀她入行，但 Yuki最後還是婉拒別人恨到流口水的歌星合約，「嗰陣我哋出過碟，不過後來發生一啲不愉快事，係乜我唔想多講，不過我已經覺得好煩，而且聽人講娛樂圈好複雜，唔想俾人指揮我做咩，我又唔做宣傳同 social，我想忠於自己嘅音樂，我試過喺屋企對住隻狗，作咗首歌送畀佢，我唔會雕琢歌詞，我鍾意玩即興！同埋我咁鍾意食嘢，簽咗唱片公司就一定要我 keep fit，又要包裝做女神，寧願自己慢慢摸索！」
除了音樂有天份， Yuki畫畫亦了得，會考美術攞 A、高考攞 C，還以為搞藝術一定比娛樂圈簡單得多，但 Yuki卻坦白說：「其實𠵱行都唔係咁簡單，要同畫廊混熟先可以生存到，不過我唔會放棄自己，盡量將自己作品放上網畀多啲人睇，希望會有人欣賞！」女神立場果然夠堅定！
身高 168cm的 Yuki其實好貪靚，本刊叫她穿短褲影相， Yuki卻說，「哎吔！我隻腳好粗㗎！我肥妹仔嚟㗎！」
拍埋 MV
Yuki試過夾 band，仲拍埋 MV兼做女主角，又唱又演， MV仲有萬人睇過，想睇就去 YouTube輸入「新界香港跨區之戀」，一睹 Yuki嘅風采啦！
靚女又有才華，機會自然湧埋嚟，除咗商場騷之外，朋友嘅藝廊開幕都會請 Yuki唱幾首歌， Yuki憶述：「我喺 K-11嗰次表演，爸爸特登嚟咗捧場，仲拎住部 cam拍足全場，之後仲燒咗隻碟畀我，勁感動！」
熱愛藝術的 Yuki，雖然不是學校的活躍分子，但上堂都會好畀心機好落力，即使上中國油畫堂都不忘拍照留念。
U花 U草：只要是各大專界的靚仔靚女，《 FACE》就會介紹給大家認識。 
撰文：葉浩婷
攝影：何榮亮
形象： Bryan@the Flaming
化妝： Wing@Wing L image
服裝： The Emporium, Index
留言列表
{{ article.title }}
