Debbie與 Rebecki已踏入在女拔的第二年，成績亦已大大改善，追上平均水平。成績好令她們可更專注比賽，發揮愈來愈好。

Main Camp

跑步冠軍　英文考起　女拔插班生：成績唔掂要停跑

2013年02月27日 ~~ 第301期 Face

最近除了一年一度的渣馬盛事，亦是學界（中學） D1田徑賽初賽，拔萃女書院為達成「 7連霸」精銳盡出，其中以甲組 4× 400米代表最出色，放甩對手近 50米衝線，其中代表凌雯思（ Debbie）自信地說：「我哋仲未爆盡，決賽一定可以破紀錄！」
跑道上， Debbie與隊友逢人過人，奪冠冇難度，但上年因跑步快而獲女拔睇中，由 band 2中文中學插班的 Debbie，面對全英語學習環境兼名校壓力，這位跑步冠軍卻變成學業包尾，讀女拔從來不輕鬆。

誓言攞硬今年學界 4× 400米接力賽的女拔代表，原來只是首年合作，為組這隊已奪「 6連霸」的地上最強田徑組合，去年特別准許原在中文中學樂善堂梁植偉紀念中學的凌雯思（ Debbie），和另一位來自順德聯誼會李兆基中學的陳綺琪（ Rebecki）做轉校生，成功登入名校精英門檻， Debbie說：「當時屈臣氏屬會教練建議我同陳綺琪轉去女拔，我哋考慮咗幾日就立刻應承。」

陳綺琪港隊旗手

Rebecki與 Debbie同是港隊成員，代表香港出席各項賽事， Rebecki在上年的台灣國際田徑錦標賽更代表香港做持旗手，認真架勢。

Rebecki在上年勇奪渣打馬拉松青年組冠軍，雖然今年馬拉松在學界賽事 Day 1和 Day 2之間，但她相信兩個比賽都可以有好表現，果然精力旺盛。

女拔 4金花

被譽為學界地上最強的女拔 4× 400米代表，全因四人都大有來頭，左起渣馬冠軍陳綺琪、女拔長氣袋曹詩明、多次代表香港出戰亞洲賽的林浩茵及港隊小巨肺凌雯恩（ Debbie），雖然組隊只有幾個月，但四人關係好如姐妹，「我哋每個小息都會聚一聚，仲會寫咭仔鼓勵大家，好似一家人咁。」

壓力大狂喊

被女拔選中， Debbie跑步當然標青，曾代表香港參加過不少亞洲田徑賽，但由中文中學升呢入讀精英名校，冠軍女將卻變包尾生，「個個以為我哋入女拔只要跑步攞成績就唔使讀書，其實校方收我哋講明要兼顧成績，否則會停跑！」入讀女拔的 Debbie去年要重讀中三，但學業一樣難應付，「同學老師全部用英文溝通，估唔到連通告我都睇唔明，每日要用半個鐘查字典，怕 miss咗學校通知！」 Debbie初中時成績中上，但中學甚少修讀的英國文學，更令 Debbie頭痛，「女拔要修英國文學，分析莎士比亞，結果 10分我只得 2分包尾，加上好多科唔及格，嗰時返屋企就喊，不斷諗係咪入錯名校！一諗到成績唔好隨時會被校方停跑就好失望，所以每日都狂溫書，放學一直溫書溫到凌晨，成績先追得上。」

凌雯思比賽老手

雖然 Debbie（紅圈）只有 16歲，但她小學就開始比賽，歷年參加多個本地及亞洲賽，係田徑老大姐！

除了 4× 400米接力， Debbie亦擅長跑越野賽，上年就代表香港參加埠際越野精英賽，更成功團體金獎，擊敗多個亞洲強國說是小巨肺絕不過分。

田徑主教練鄧 sir

佢哋除咗練跑，仲要好好控制飲食，唔可以食生冷煎炸嘢，呢的會對身體唔好。佢哋跑長跑，要迫佢哋挑戰極限，要佢哋習慣對腳差唔多抽筋都可以撐落去。

密集式考試嚇窒

其實好似 Debbie因體育成績彪炳而中途入讀女拔，就以現役田徑隊為例，已有 3、 4人是插班生， Rebecki透露：「女拔每年都會揀運動、音樂或語文成績優異的同學，再考女拔轉校考試，如果考試合格，就可以好似我哋咁做插班生！」
好像 Debbie及 Rebecki中途入女拔的例子不少，所以無論老師及師姐都會大力協助， Rebecki說：「因為我哋成日要缺課比賽，老師都會抽時間喺午飯、放學幫我哋補課，師姐亦變咗我哋補習老師，成績今年已追得上，我哋希望大學讀體育相關嘅科目，做全職運動員先至係我哋條出路！」

男拔失金廣州狂操

經過廣州特訓，周鎔浩在學界乙組 100米初賽，輕易以首名出線，臨衝線已收步留力，十足飛人保持招牌動作。

女拔過去六年都奪全場總冠軍，但同是叱咤田徑場的拔萃男書院遭喇沙力壓，連輸三年，尤其乙組更輸得明顯。男拔今年加強訓練，誓重奪田徑王者之名。男拔 100米乙組代表周鎔浩直言：「我哋今年聖誕和新年都專程上廣州訓練基地閉門集訓，一星期每日練跑及舉重訓練，重點改善技巧及爆炸力，而我哋有啲師兄，例如前港隊代表鄧漢昇都有返嚟訓練我哋，我哋仲會定期落體育學院，在更好的設施下訓練，今年一定要重奪冠軍。」

余振強仔谷肌轉短跑

名校精英多，故同學出賽項目都集中幾項強攻，但其他中學因沒有如此多人材，像余振強紀念中學的中五代表蔡浩昇（ Jeffrey）就要轉型，他說：「我上年跑開 400米，但因唔夠同學跑 100米、 200米，所以我要改跑短途，肌肉同殿粉質都要求多好多，所以除咗狂做 gym，每日至少食 6碗飯變大隻，我哋少資源，惟有死操爛操！」