韓片《柏林》中，女主角全智賢親身上陣演動作戲，更要揸槍上陣保護自己。此片係全智賢婚後首部電影，佢話拍《柏林》時有好大壓力，好彩有老公支持，令自己充滿能量面對壓力。
韓面
全智賢 間諜心路
近年韓片翻 hit，尤其上年李秉憲主演的《光海：成為王的男人》與全智賢揸旗的《盜賊鬥》，均錄得超過 1千萬觀眾入場人次，簡直大豐收。
踏入 2013年，全智賢再食住個勢推出新片《柏林》，今次拍住影帝級人馬韓石圭及河政佑，而內容圍繞情報人員勇破國際犯罪集團。有動作、有爆破，唔怪得套戲 1月 31日上映，首日已吸引 27萬人次捧場，創單日票房紀錄。至今票房已超過 500萬人次，突破 1千萬人次話咁易。
《柏林》中，全智賢全程 cool爆，好難見到佢笑，現實中賢妹一樣咁 cool而且直腸直肚，最近更自爆拍《柏林》時，導演柳承莞很少同佢溝通，加上套戲於柏林取景時，除咗自已外全屬男演員，所以拍此戲時感到好孤單。
由於南韓的特殊政治背景，坊間諜戰電影如《生死諜變》、《雙重間諜》等極為吃香，而全智賢的新片《柏林》亦順應大趨勢，玩間諜角力，再加埋猛料卡士，好似影帝級人馬韓石圭及河政佑助陣，被韓國傳媒喻為 2013年最令人期待韓片。
陷叛國罪
《柏林》講述飾演情報局要員的韓石圭，因與同僚河政佑去到歐洲柏林調查一宗驚天國際罪案而身陷險境，飾演河政佑當外交翻譯官老婆的全智賢，因被懷疑是間諜，更被誣陷叛國罪名，慘遭追殺。
《柏林》一片已於 1月 31日在韓國上畫，首日已錄得 27萬入場人次，成單日冠軍電影外，更創下韓國史上 1至 2月上畫電影開畫最高入場人次紀錄，難怪電影公司預測《柏林》一片將好似《盜賊鬥》一樣可過 1千萬入場人次。
爛命夫婦
片中，河政佑飾演一名情報局人員，奉命調查國際犯罪集團，而佢個外交翻譯官老婆全智賢亦捲入風波， 2人要一齊逃命，做苦難鴛鴦。
差啲破相
《柏林》講間諜角力，動作戲一定唔少得，戲中全智賢無論駁火甚至吊威吔場面都堅持真身上陣，連導演都大讚她身手敏捷，但據知她拍一場爆破戲時，因玻璃碎片四散，當中有幾塊還彈到她的臉上，令她痛到想喊。好彩最後沒有留下疤痕，上年新婚的賢妹可以繼續做個靚老婆。
全智賢同河政佑拍一場爆破場面時，不慎被玻璃碎擊中面部，雖然面部受傷，好彩冇留下疤痕。
爆破傷面
飾演河政佑同僚嘅韓石圭同樣係情報局要員，河同韓 2人同樣係影帝級人馬，戲中有大把對手戲，肯定係演技比試。由於此戲卡士強勁，加上遠赴柏林取景，製作費高達 100億韓圜（約 7,200萬港元），屬大製作。
大片排隊
2013年，除《柏林》外，亦有多套大片出籠，包括由韓、美合拍的《雪國列車》，以及 sell影帝崔岷植招牌的《新世界》，今年韓國影壇由大片主導。
《雪國列車》韓美 fusion
《雪國列車》主題圍繞地球危機，老戲骨宋康昊將拍住一眾荷里活明星演出。而今次就由曾執導過《韓流怪嚇》嘅奉俊昊做導演，終於可圓進軍荷里活之夢。
預計於暑假韓國上畫的《雪》片，打正旗號是韓美合拍電影，所以演員除搵咗韓國老戲骨宋康昊做韓國代表外，美國方面還有《美國隊長》主角 Chris Evans再搭美國二線女星 Tilda Swinton等。此片講地球面臨生態危機，糧食同能源短缺，只有名為「雪國列車」的地方才能提供能源及食物。此片表面是災難片，其實內裏涉及人性醜惡。
《新世界》影帝鬥戲
將於 2月尾上畫的《新世界》，由公認為實力影帝的崔岷植同黃政民加埋李政宰合演，講臥底刑警、警察、黑幫成員 3個男人之間關於陰謀、義氣及背叛的故事，聽落似足《無間道》，此戲最大賣點當然係睇班主角點樣鬥戲。
李政宰飾演卧底，要埋黃政民飾演黑幫大佬身攞料，隨時冇命。
戲中崔岷植將飾演指揮卧底行動嘅警察科長，誓要剷除黑幫。
留言列表
{{ article.title }}
