作詩溝千金
情人節兩日後（ 16日），超蓮在 Instagram晒泳衣曬太陽相，雖然頭大撐爆鏡遮晒景物，一樣俾心水清網友睇穿佢人在馬爾代夫同吳克羣過二人世界。上週賭王三太的秘書就爆超蓮已返回英國工作，並要考牌。
真面目
預支蜜月 馬爾代夫初戰 處女超蓮吳克羣同房瞓
蛇年娛圈旺桃花，多對圈中愛侶由地下走到地面、由香港拍拖拍到出埠，林峯同千語 BB飛沖繩、余文樂吳雨霏遊倫敦，仲有何家最索千金何超蓮，終於成功撻着台灣偶像吳克羣，飄洋過海飛去馬爾代夫同吳克羣住埋同一間屋，瞓埋同一張大床，歎咗個豪華浪漫情人節， fans變男友。
俾吳克羣食到超蓮 BB，萬千宅男超葡萄，而本刊得吳的前度爆料，指吳克羣鍾意向難度挑戰，專吼有錢女，更最叻狂發 SMS及作詩冧女，細心程度，冇乜女仔招架得住。難怪成功溝掂細佢 12年（同屬羊）、今年 21歲的超蓮 BB啦。
科技進步，藝人拍拖再難守得住秘密！唔好彩俾 fans撞正偷影，有 啲就自己衰手痕：度假自拍，俾網友抽絲剝繭人肉追蹤，超蓮就係最佳例子。月中（ 16日）自爆享受緊陽光海灘，結果被粉絲、傳媒先後證實，原來係約埋吳克羣去 咗馬爾代夫拍拖 4日，瞓埋同一張大床慶祝情人節！
倫敦大學一級榮譽畢業， 21歲的超蓮素有何家最索千金之稱，自 11年與在澳洲讀飛機工程的男友 Jeremy分手後，表面上單身，其實一直與吳克 羣暗地發展。
初出道時又白又瘦，吳克羣近年積極健身改變形象，亦毫不吝嗇在唱片封套、 MV甚至跨年騷 show off其六嚿腹肌。
上月 26日吳克羣身在北京，超蓮又自爆人在內地，兩人同步上載中央電視台電視畫面，一齊支持中國網球選手李娜。
11年 8月，被發現身在吳克 羣溝女戰車上夜遊陽明山，口講話普通朋友，但超蓮在車上的鬼崇閃縮反應其實更可疑。台灣《壹週刊》圖片
一張大床住宿
21歲何超蓮愈大愈索、行為仲愈 嚟愈貼近平民港女，得閒鍾意行旺角、銅鑼灣、搭地鐵、煲偶像劇仲追埋星添。
前年 8月，更被台灣傳媒發現坐吳克羣戰車「大黃蜂」遊陽明山。當事人自辯係普通朋友盡地主之誼，原來二人愈行愈埋，吳克羣更同陳山聰一樣，一早入過何家大宅、拜會過賭王同三太。戀情得到父母認可，而曾講過要結咗婚先可以有性行為的超蓮，踏入 2013年已經大個女，孖住吳克羣遊埠預支蜜月。本刊向他們入住的 Huvafen Fushi度假村了解過，證實他們入住的房間只有一張雙人大床。看來超蓮這次馬爾代夫之旅應該相當甜蜜。
2萬 8甜蜜一晚
Huvafen Fushi度假村，是馬爾代夫星級豪華度假村，近年豪花數百萬美元裝修後，更加係巨星情侶夫妻度假指定場地。唔只 Tom Cruise、 Kate Moss同 George Clooney都帶過另一半入住過，舊年城城同熊黛林都係 喺度慶祝生日。 Huvafen Fushi內的獨立水上屋及沙灘屋共有四種規格，收費最貴房租每晚約 2萬 8港元。據官網介紹沙灘屋內只提供雙人床或額外加床給 12歲以下同行小童，唔知超蓮同克 羣有冇加床呢？
獨立屋建喺水上，一打開門就可以跳落海。
城城都住過
房間雙人床對正無敵海景，吳克羣可以攬住超蓮望海，認真識歎。
作詩溝有錢女
年紀大足超蓮 12年，現年 33歲 嘅吳克 羣，出道 13年，緋聞無數仲個個都係女神級。
知情人士透露，有唱作王子之稱 嘅吳克 羣唔只作詞叻，作詩 冧女更有一手：「吳克羣眼角好高，成日話同 啲蠢女人溝通唔到，所以女朋友個個唔係好靚、好叻就係好有錢。」
其中一位曾經跟吳克羣拍拖的前度，更向本刊爆料，指吳是一個非常浪漫的人，「佢追女時會狂發 SMS，但每個都好有意思，佢更會寫詩，而且好細心，記得晒相識經過或特別日子等等，係一個好窩心嘅男人。」有手段又有才華，唔怪得超蓮 BB都要破戒啦！
食過 5女神
唱作才子吳克 羣 氹女最耍家都係靠才華，一把 𠺘過油 嘅嘴講盡甜言蜜語仲識作詩，最少 冧掂圈中 5大女神。
'12 11月 徐若瑄
跪撐
《蘋果日報》圖片
台北新碟發布會，同吳克羣傳過緋聞 嘅徐若瑄就現身支持，吳克 羣仲跪地獻上 99枝玫瑰當眾示愛：「她是我最重要的女人。」
'12 8月 鍾欣桐
宣傳
至於同阿嬌去年在台灣飯聚傳出緋聞，其實二人各自心有所屬，緋聞純粹為合唱新歌宣傳。阿嬌更飛去北京擔任吳克 羣新碟發布會嘉賓，手拖手合唱。
'08 黃荻鈞
正印
有傳表面花弗，吳克羣實情正印是唱和音的台妹黃荻鈞，不過戀情從 08年維持至 11年，雙方表示回復單身。
'08 王心凌
示愛
08年主動公開表示欣賞台灣女歌手王心凌，又度身訂做歌曲送給對方，更在王心凌生日派對驚喜現身，因此傳出緋聞。
'06 戴佩妮
讚正
06年吳克羣又自爆欣賞馬來西亞創作女歌手戴佩妮，勁讚對方：「很正，像仙女！」
'00 江美琪
留言列表
{{ article.title }}
