講真我覺得我個樣 ok！真實對白
HayHay細細個就想做明星，到𠵱家都仲發緊明星夢，入咗 Umovie做幕前機會多咗，現正參與電影一償心願。
搜尋氣
短片攻日網絡紅人 Cooking HayHay：最想做明星
網絡藝人愈出愈多，最近代表首推司徒夾帶變 YouTube紅人，連帶喺佢片中出現的索女「女師傅」都成為高登仔追捧對象。
司徒夾帶捧人叻，最新人選就係佢入室弟子 Cooking HayHay（黃俊熙），佢無厘頭放條煮嘢食片都有過 10萬點擊，最新搞作係佢獲 YouTube邀請，飛埋過日本同當地 YouTube恐怖短片 Stalking Vampire搞 crossover， 23歲的他坦言放片上網只係踏腳石，最想都係做明星喎。
快整咖喱魚蛋
我好唔鍾意讀書，成績亦唔好，讀到中五就冇讀。嗰時 16、 7歲，都未知自己想點，咪求其搵份工做住先，我打過 10份工，做實驗室助理、 waiter、送外賣咁，之後喺 LeeDeeLive（邵子風主理網上電台）開咪學剪接。後來去咗做蘋果動新聞，做副刊剪接同拍攝，我想有多啲機會做幕前，好似做吓 model、拍廣告咁，但蘋果唔准員工做到好似明星咁，限制好大。
我細個覺得做明星好威好有型，所以一直都想紅、想俾多啲人認識，但初時拍完啲片冇人睇，後來咪諗吓搞其他嘢。嗰時 cooking mama好紅，我又鍾意煮嘢食，我就諗不如叫 Cooking HayHay。講真我覺得我個樣 ok㗎，又叫有啲創意，家陣叫多人識咗，先知原來做藝人多人識好大壓力，好似着衫又要諗過，行為又要檢點，不過我仲係好想做明星，如果有電視劇搵我一定會拍，不過我唔敢主動去敲人門，驚俾人呃，所以通常都係熟人介紹去。
HayHay和司徒夾帶亦師亦友，雖然兩人曾多次合作，但 HayHay話同司徒夾帶合照就只得呢張。
Cooking HayHay最新作係去到日本同當地網絡恐怖片系列 Stalking Vampire搞 crossover， HayHay話：「係 YouTube嗰面搵我過日本嘅， YouTube想搵啲人氣高嘅人一齊合作，香港代表得我一個，佢哋包食包住，但係冇錢收！」放上網 3日已有超過 13萬人睇過。
我正職其實係幫司徒夾帶做助手，個個月有人工，再加埋間中拍吓廣告片，最近老闆（ Umovie老闆李力持）開戲都想搵我做一角，收入叫 ok啦，都有家用畀，屋企人都支持我嘅，不過就唔准我講政治同鬧政府囉，唔好講敏感嘢，可能佢哋思想好傳統，覺得講呢啲唔太好，怕我俾人拉喎，咁講真我都唔會講政治，費事講錯啦！如果賺到錢當然想買車買樓啦，但係香港地啲嘢成日變，我半年後嘅計劃都未有，諗咁長遠都冇用，可能我幾個月又唔做呢？
孖金剛拍淘寶廣告
去年底，淘寶網就搵咗 HayHay、司徒夾帶同金剛同我哋嘅 UStar校花冠軍 Karen等合作玩《大逃殺》橋拍廣告，於電影開場前的廣告位播出。 
留言列表
{{ article.title }}
