關心妍告別：最後一次上勁歌 100,090 
■日前宣佈退出專注造人嘅關心妍，前晚揚言係最後一次上《勁歌》。
關心妍早排喺港台搞嘅十大中文金曲頒獎禮食白果，事後佢宣佈完成手頭上嘅工作之後就會退出，專心做楊太同埋造B。前晚佢去將軍澳電視廣播城為無綫《勁歌金曲》錄影，佢解釋話會完成晒手頭上工作後就全力養好身體做人。
前晚佢喺現場演繹冠軍歌《白費》，馮仁昭睇個歌名就覺得好應景，連關心妍都自嘲話：「都好應景，唔係刻意，歌詞幾貼切，唱嗰時感受幾深，今次都應該係最後一次上《勁歌》，之後都唔會plug歌，除非轉咗形式。」佢自爆老公對佢退出好開心，亦感激公司老闆支持佢嘅決定。對於楊千嬅都撐話生仔要緊，關心妍話好多謝千嬅嘅鼓勵，仲再次重申唔參加頒獎禮唔代表唔再做音樂，只係唔做宣傳。
增肥8磅生蛇B
關心妍話𠵱家當務之急係要努力增肥，醫生話佢冇脂肪，最起碼增8磅先可生B，佢好希望趕得切生蛇B，因為老爺都係蛇年，所以想屋企有兩條蛇，佢話：「已經睇咗好多醫生，好多人介紹，乜都睇，但求快，所以好鬼忙，醫生話33歲未需要人工受孕住，始終有風險，有朋友試過差啲命都冇。」
此外，同場嘅王菀之就否認拍劇換獎，仲自爆原本監製唔想搵佢，係王祖藍再三推薦，監製欣賞過佢舞台劇先搵佢拍攝，佢仲話𠵱家未有人叫我還債，而且佢唔係好有興趣拍劇，仲話講拍劇會大牌啲，要睇吓乜人腳先拍。
撰文：馮仁昭
Jade上勁歌唱《白費》攞景
關心妍早前在頒獎禮上食白果而心淡宣布不再出席頒獎禮，前晚卻憑冠軍歌《白費》上《勁歌金曲》，認真攞景！她透露近期頻睇名醫，誓要將肌肉變成脂肪，努力生蛇B！
歌星關心妍（Jade）早前在「十大中文金曲頒獎禮」上食白果，隨即發表「不再堅持論」，宣布不再出席頒獎禮，專心做少奶奶生仔。Jade前晚與王菀之及梁烈唯為《勁歌金曲》錄影，剛巧新歌《白費》獲冠軍歌，認真應景，她受訪時說：「《白費》係之前Plug，唔係特登，但係歌詞都好貼切，好應景！呢次可能係最後一次上《勁歌》，我諗唔會再參加頒獎禮，就算再做音樂都唔會做宣傳，唔需要成績。」
Jade透露近期專注生B，頻睇名醫兼積極增磅：「其實上年年頭都諗緊出唔出席頒獎禮，公司叫我試下，但事與願違。總之依家努力增肥，將肌肉變脂肪；老爺屬蛇，希望趕得切蛇年生B。」
王菀之望成功挑戰《大長今》的50點收視紀錄。
梁烈唯（右）首次上《勁歌》獻唱。
王菀之自爆遭「嫌棄」
同場的王菀之早前憑歌曲《留白》奪《勁歌金曲》金曲金獎，加上她主演的劇集《老表，你好嘢！》叫好叫座，事業一帆風順，卻傳出拍劇換獎傳聞，她自爆：「其實監製黃偉聲本來唔想用我呀，多得王祖藍再三推薦，監製同編劇去欣賞我嘅舞台劇，後來先用我。（再拍劇報答無綫？）冇興趣拍劇，我依然係專業歌手，演戲就可以大牌啲，揀對手、揀劇本。」對於Jade宣布不再出席頒獎禮，她說：「佢係幸福女人，可能佢想做全職媽媽呢。」
文：影視組
關心妍唔再「白費」趕造蛇B
歌手關心妍（Jade）前晚「最後一次」擔任《勁歌金曲》嘉賓，她近日在《十大中文金曲頒獎禮》中食白果，故意興闌珊發表「不再堅持論」，宣布不再出席頒獎禮，專心做少奶奶生仔，但剛巧她前晚憑新歌《白費》得到冠軍歌，認真應景！Jade說：「《白費》係之前Plug，唔係特登，但係歌詞都好貼切，好應景，呢次可能係最後一次上《勁歌》，我諗唔會再參加頒獎禮，就算再做音樂都唔會做宣傳，自己唔需要成績！」
希望盡快生B的Jade頻睇名醫兼積極增磅，相信其老公最開心，Jade說：「其實上年年頭都諗緊出唔出席頒獎禮，公司叫我試吓，但事與願違！總之依家努力增肥，要將啲肌肉變成脂肪，老爺係屬蛇，希望趕得切蛇年生B。」
關心妍演繹《白費》時相當投入，未知是否唱出心聲呢？
關心妍（中）「最後一次」亮相《勁歌》，與主持崔建邦及朱千雪言談甚歡！
留言列表
{{ article.title }}
