郭羨妮拍劇調劑年尾再造人
郭羨妮（Sonija）產後復出拍的第一套劇是無綫的賀年劇，她坦言開工時很掛念女兒，但返到家見到女兒甜睡的樣子，就倦意全消，Sonija表示不會放棄工作，並視工作為調劑品，更指年尾會追多個BB，湊成個「好」字。
郭羨妮（Sonija）產後復出參與的第一部劇便是賀年劇《初五啟市錄》，Sonija的女兒已七個月大，相當可愛，Sonija坦言拍《初》劇時，由於要不分日夜開工，返到家時女兒已睡覺，但一見到寶貝女，都會甜在心頭，又覺得自己很幸福。Sonija坦言今年年尾會追多個BB，湊成一個「好」字。
見女兒疲勞盡消
對於拍《初》劇，Sonija說：「其實拍呢套劇都唔算好辛苦，兩個月已經拍完，劇中我同陳錦鴻飾演一對，大家之前都合作過好多次，所以好有默契。每次放工返到屋企見到個女甜睡，就算幾攰都好，瞓喺床邊睇住佢，即刻冧晒，乜嘢疲勞都冇晒。」Sonija每逢說起愛女都笑容滿臉，她表示女兒平時愛跟婆婆，但她不會因此呷醋，她謂：「我唔會唔開心，反而係我老公成日話驚個女唔認得佢，一返到香港就即刻黐住個女。」
郭羨妮（中）與陳錦鴻（左）及黃浩然在《初五啟市錄》中合作愉快。
郭羨妮說年尾會追多個BB，之後就會「收工」。
獨門方法湊BB
問Sonija拍完《初》劇，曾否想過停止工作，專心湊女，她說：「都想多啲時間陪佢，因為小朋友真係大得好快，轉變得好快，出嚟做嘢嗰陣真係好掛住佢，不過工作對我嚟講係一種調劑，唔可以單一喺屋企湊女，出去接觸吓其他人會精靈啲，始終有其他嘢， 生活會平衡啲，所以之後如果有啱嘅劇，我都會繼續接拍。」
為了氹女兒，Sonija經常都要出動百寶，她說之前女兒經常都不肯乖乖睡覺：「之前我一擺低佢喺床佢就喊，點唱歌氹佢都唔得，不過喊得耐抱起佢時佢又收聲喎，依家我諗到妙法，就係擺佢喺我張床玩，玩到攰佢就會瞓，瞓到七成我就會放佢落床仔，咁就大覺瞓。」
文：影視組
服裝：Jessica、Episode
攝影：樊愛慈
郭羨妮年底啤多件封肚
雖然郭羨妮有女萬事足，但她坦言不會放棄工作，因為外出與社會接觸，生活才會平衡，不過她不諱言年底打算追多個BB！
郭羨妮（Sonija）產後復出「第一擊」是拍攝無綫賀年劇《初五啟市錄》，劇中她飾演一名女強人，與多次合作的陳錦鴻飾演一對，自然甚有默契。她透露拍攝時不算太辛苦，兩個多月便拍畢。Sonija每逢開工例必不分晝夜，不過不論多疲倦都好，只要她回家後看着七個多月大的女兒酣睡的樣子，不僅覺得幸福，還會倦意全消！問到會否想追多個BB？她說：「想呀！都有計劃希望年尾追多個，然後正式收工收身！」至於會否暫停工作，專心在家湊B？她坦言拒絕做全職媽媽：「工作對我嚟講係一種調劑，唔可以單喺屋企湊女，出去接觸吓其他人會精靈啲，有啲嘢要取個平衡！」
囡囡扭計勁頭痕
雖然母親會幫忙湊女，但如果Sonija有時間，她都不會假手於人，親力親為，不過她笑言女兒喜歡跟婆婆多過她：「我又唔會覺得唔開心，跟婆婆都好呀！之前囡囡夜晚好夜先瞓，一擺低佢喺床佢就喊，我真係出盡好多方法先搞得佢掂！」
影視組
已育有一女的郭羨妮身材完全冇走樣，生多件都唔怕啦！
郭羨妮拒做全職媽媽，希望繼續工作。
陳錦鴻與郭羨妮兩位星爸星媽，合作拍劇時大談湊B經。
郭羨妮錫到囡囡燶，常大晒溫馨合照。
留言列表
{{ article.title }}
