上流滙
何志恩 針織達人
時裝人有自己一套穿衣哲學，從不追隨潮流，著名時裝設計師何志恩（ Johanna Ho）亦不例外。「興乜，就係興做自己。 着衫最緊要對自己有信心，大膽嘗試唔同 嘅嘢。好似我鍾意自己冇胸，即使着毛冷同 ruffles設計嘅針織衫都唔覺得累贅。」她家中珍藏數百件針織衣物，佔衣櫃一大半。除了識買，何志恩更實行將針織品發揚光大，將針織概念滲透於自己的設計品中。
招牌設計
何志恩推出針織毛衣，玩味十足，手袖上的喱士設計，絕對是她的招牌作。「冷衫加 啲 details，配唔同物料冇咁悶。亞洲女仔比較細粒，短身少少會好睇 啲，唔一定要遮住大籮柚。」
每個時裝設計師總有自己的獨特 icon，何志恩的標記就是針織品，她喜歡用針織品配搭。「我覺得針織同雕塑好似，都係將唔同物料以唔同做法溝出嚟，撞出唔少新嘢。」
古 着筍貨
何志恩的針織衣物中，每件獨一無二，背後隱藏不同故事。曾於英國和日本生活的她，最愛到二手市場尋寶。「我 喺英國 嗰陣，好鍾意去 Camden、 Portobello等 flea market（跳蚤市場）買嘢，隨時有意想不到收穫。古 着可以睇到 嗰個年代 嘅特色，手工有幾精緻，試過買到一件連個 designer已經過身 嘅衫，好珍貴。而日本 嘅二手衫尺碼夠細， 啱晒我，買返 嚟唔使改。」近年她索性加強自己的針織設計，將自己興趣公諸同好。
何超寶物
何志恩近年幫何超儀做形象顧問成為好友，一同交流收藏 vintage衫心得。「有時要上佢屋企幫手襯衫，見佢 啲 collection好似 museum（博物館）咁犀利。呢件 KANSAI係佢送俾我 嘅聖誕禮物，靚到唔捨得 着。」
何志恩與徐濠縈老友鬼鬼，去年合作推出品牌 X Pink，推平民價 cashmere，以淨色為主。「呢條 line賣簡單款 嘅 cashmere，主要 sell cutting同顏色，暖得 嚟唔怕臃腫。」
針織成名
追溯何志恩多年的設計，亦可見她將針織衣物玩得出神入化。「香港 嘅天氣唔凍，與其買件冇乜機會 着 嘅大褸，不如買幾件針織衣物仲實際。我上季先攞自己品牌 嚟做，依家多 咗人搵我 嘅針織嘢，自信心返晒 嚟。」早前她更與好友徐濠縈合作推出品牌 X Pink，主攻 cashmere設計。「我 哋想做易襯又價廉物美 嘅 cashmere，將針織 着得人更瘦，唔一定累贅。我 哋試到個 size啱晒先推出，好似個手袖唔可以織得太粗，因為咁樣會令手臂肥，覺得 着冷衫就好大隻。」
十年珍藏
對針織衣物愛不釋手的何志恩，十多年儲下數百件珍藏。訪問當日，她帶了部分珍藏到舖頭拍攝，相當壯觀。
層次配搭
何志恩有自己一套襯衫理論，她指針織冷衫並非一定做面衫，亦可用來打底。今次她就以肉色針織打底，外襯粉藍色 ruffles上衣。大玩撞色 layer。
古董長裙
「呢條 vintage長裙 喺英國買，港幣千零蚊，用高針數 嘅幼針織成，背面開窿之餘仲配上閃石，手工好細緻，襯對高 踭鞋同 accessories，可以去隆重場合。」
家族顯赫
何志恩與日本籍丈夫打本雄輝，育有兩個女兒。其父是著名外科醫生何惠德，母親是澳門第一代賭王高可寧家族後人高雪瑤，現為女拔萃校監。畢業於倫敦設計學院 Central St. Martins的她，取得時裝設計榮譽學士及女裝設計碩士學位，在倫敦時裝周展出畢業作品時，被 Barneys New York、倫敦 Browns和日本 VIA BUS STOP買下。其後於東京發展， 4年內開設共 10間時裝店。回歸香港發展後，她先後與不少大牌合作。
何志恩的時裝店位於尖沙嘴活方商場，一件針織衫由千多元至四千元不等，亦可查詢網頁 http://www.johannaho.com。
星級客戶
陳奕迅
多次為陳奕迅演唱會擔任形象指導的她，去年更遠赴倫敦，為陳的個唱創作全新造型。「 Eason係我自己 approach，做舞台好有挑戰性，自己又未做過男裝，佢係好知道自己要乜嘅人。」
楊千嬅
留言列表
{{ article.title }}
