王祖藍與李亞男拍拖 4年，感情穩定，但兩人卻抗拒情侶檔搵食，就連合照也表現尷尬！
大封面
祖藍買西貢農地 千五萬建「王宮」娶李亞男
王祖藍近日首個自編自演電視劇《老表，你好嘢！》大收旺場，加上他密密返內地登台賺人仔，去年話咁易賺近 2千萬。
搵到錢外，祖藍亦投資有道，現住在西貢村屋的他，去年秘密花 1千萬在西貢買荒廢農地，建一棟 3層高村屋，連車位及花園面積近 3千呎，合計千五萬埋單，年尾可落成。現在樓市高企，祖藍識得自建「王宮」，都算奇招！
而祖藍的「王宮」，亦預埋媽咪及細妹一齊住。問到買地起村屋，祖藍直言「鍾意低密度住宅」；而準新娘李亞男，亦漏口風話︰「有物業係結婚條件。」
去年十一月，祖藍、李亞男及祖藍媽一起出席李彩華的受浸儀式，李亞男搭實未來奶奶，十分識做。
去年勁賺二千萬的祖藍，事業有成，女友與母親又相處融洽，開始部署結婚。據知去年尾祖藍透過地產界好友，在西貢物色地皮，起村屋預備結婚。去年十一月，祖藍一家到趙雪英（林小明前妻）大宅參加李彩華受浸儀式時，記者親耳聽到剛買了農地的祖藍媽，向趙雪英請教由空地起屋的貼士。
「上山下水局」旺丁旺財
堪輿學家譚雲龍到王祖藍新買的地皮睇風水，他表示：「呢幅地屬『上山下水局』，先見水後見山，巒頭密，外在環境非常好，可以補格局不足。祖藍 嘅命格係『木火通明』，住 喺呢度會旺桃花（即觀眾緣）及工作，有財有利。至於李亞男命格屬土，事業會停滯不前，不過唔影響婚姻，仲旺丁㖭。」
祖藍買的農地，遠離坑口地鐵站，必須揸車，揸車也要十分鐘車程。
譚師傅指地皮的外圍環境好配合祖藍及李亞男，加上屋前是馬路，與對面的村屋有距離，唔會被截財。
根據地政署資料顯示，祖藍新居坑口永隆路地段於去年 8月 6日更改土地用途，用途項目所註明的「 R4」，代表土地用途由農田轉變為住宅用地，因而需要補地價 7百多萬。
搵建築師畫圖
最多按五成
千五萬建王宮
興建三層村屋的建築費約為 150萬，不過只包外牆及基本間隔，另拉電及水渠的鋪設，加埋約 300萬埋單。內裏的裝修、廚廁等設施則豐儉由人，一般每層約為五十萬至一百萬，視乎用料及設計。
買地皮及土地改建費： 1,000萬
印花稅： 30萬
建築費： 300萬
裝修傢俬： 200萬
合共︰ 1,530萬
據知祖藍所起的三層村屋，地下是飯廳及客廳，一樓由祖藍媽及祖藍妹妹同住，而二樓則是祖藍及李亞男婚後居所。此外，地下更預留位置，興建一個六百呎的花園及車位。
起村屋省手續
「祖藍今次係自己買地起村屋。睇地皮嗰陣，女友李亞男都在場俾意見。佢起嗰棟三層村屋，一樓預 咗俾阿媽同細妹，二樓全層係祖藍要晒，佢話咁樣既可以照顧到屋企人，又可以享受到二人世界喎。祖藍近年搵到錢，所以係一筆過俾 1千萬買農地，冇做按揭。佢今次係購入丁權去買地皮，好處係起屋時節省政府審批同拆樓嘅手續，可以快 啲動工起樓。」知情者說。
問趙雪英祖藍媽是否曾向她請教買地起樓事宜，趙避忌說：「人哋嘅嘢唔可以透露，你都係問番當事人啦！」
本刊翻查地政署資料，發現去年八月位於西貢坑口永隆路的一幅地皮，以接近八百萬修訂契約，由農地轉為住宅用途，地點及價錢與祖藍買地的消息 脗合。該地段可興建總樓面面積達 282平方米（即三千多平方呎），如起樓高三層的村屋，每層約有 7百呎面積。除 3層主樓合共約 2,100呎外，地下還可建 6百呎花園及車位。
鍾情低密度住宅
《老表，你好 嘢！》首播當日（ 7日），祖藍自掏荷包，請台前幕後工作人員食飯睇首播。本刊詢問他買地起樓一事，他未有否認，更坦言自己喜歡低密度住宅。
記：你年賺二千萬喎！
王：冇咁多，你估我係陳奕迅咩！
記：你係咪買地起樓？
王：如果係真都俾人查到啦！
記：你買地係一次過俾晒錢，查唔到 㗎！
王：我係鍾意低密度住宅，依家都有同阿媽去揀。
記：李亞男都一齊睇？
王：佢都喜歡低密度。
其實王祖藍與李亞男已多次被催婚，近日他笑言如果《老表，你好 嘢！》收視達 40點便結婚。雖然李亞男「還價」要 50點先肯嫁，不過女方密密出席祖藍家庭聚會，甚有一家親感覺。「祖藍媽成日讚李亞男好細心，仲話好想快 啲飲呢杯新抱茶。李亞男好識遷就未來奶奶，就算將來結 咗婚一齊住，應該都冇咩婆媳問題 嘅。」知情者說。
冒雨送外賣
王祖藍係廿四孝男友，上月 29日中午，他冒雨行去將軍澳地鐵站附近 嘅壽司店買壽司俾女友食。
買完壽司，王祖藍揸車接李亞男，兩人一齊 喺車上食壽司，之後祖藍揸車送李亞男返工。
唔介意同奶奶住
《老表，你好 嘢！》首播（ 7日），祖藍請晒台前幕後工作人員食飯睇首播，五圍 枱埋單約三萬元。難怪他不時指揮侍應，儼如主人家。
問到買地起樓一事，李亞男就漏口風，講到明有樓至嫁：「有物業係結婚條件之一。（祖藍話你鍾意低密度住宅？）都係！近郊外空氣好 啲，大埔同西貢都好。（介唔介意同祖藍媽咪及細妹一齊住？）我冇所謂，我好少同人衝突。（睇怕你 哋都好事近，祖藍買地起樓喎！）傳 啫，佢好忙，可以食飯睇戲已經好開心。」
樓市高企，將軍澳的私樓呎價差唔多去到 1萬元。而鄰近的西貢坑口村，一層 700呎的村屋都賣成 5百多萬，呎價差不多 8千，依家祖藍掟千五萬有三千呎屋住，都算除笨有精。
施永青：要買可發展農地
祖藍改農地用途用來起樓，地產界名人施永青說：「香港一向有人咁做，農地荒廢都係浪費，好多農地都有市場，但一定要買可發展農地至有用，而地價會視乎被批嘅面積而定。」
年賺二千萬
留言列表
{{ article.title }}
