老表鬼妹陳明恩搞和諧：我白皮黃心－娛樂八掛大放送★

老表鬼妹陳明恩搞和諧：我白皮黃心

■鬼妹星途崎嶇，她坦言有過氣餒的時候，現終憑《老表》彈出，爭回一口氣。
攝影：陳慧安

無綫一齣《老表，你好嘢！》將中港矛盾帶到觀眾眼前，也令大家關注少數族裔的融和。人稱鬼妹的陳明恩在娛圈默默耕耘多年，終憑《老表》彈出，絕對得來不易。她雖能操流利廣東話，精通港式潮語，爛gag也靈活應用，比港女更似港女，無奈因鬼妹外表令演藝路途變得崎嶇。她想過放棄，但終憑不屈鬥志闖出新天地。正如奶黃包一樣，內裏黃色，外面白色，但管它甚麼顏色，好吃便有人喜歡。

在無綫劇《老表，你好嘢！》中，陳明恩以純正廣東話「你都係同我講番廣東話啦！」回絕向她搭訕的溫家偉，成為劇中一幕吊詭情節。別號鬼妹的陳明恩（Corinna Chamberlain）現年30歲，雖有洋人外表，其實在香港土生土長30年，當年其澳洲籍母親和新西蘭籍父親選擇在港定居，他們投入香港文化，煮的是中國菜，令鬼妹接受港式文化薰陶，變成不折不扣的「港女」。從小就學習揸筷子、周末陪家人飲茶食叉燒包、平日吃的是雞蛋仔等地道小食，連朋友都是香港人多，鬼妹大前日接受本報專訪說：「中國人着重家庭，我屋企都係。一般外國人好着重私人空間，反而我鍾意一家堆埋一齊柴娃娃。」

■鬼妹日前走入女人街揀旗袍。夢想出碟做歌手

陳明恩自小對演藝有濃厚興趣，她是王祖藍師妹，同樣畢業於演藝學院，跟肥妹細細粒（陳嘉佳）一樣，能在《老表》飾聶小茜一角，都是多得祖藍帶挈。結果「雙妹」憑輕鬆搞笑演繹跑出，鬼妹日前走進旺角女人街，即被途人認出，菲籍女士上前搭訕，學生哥又排隊與她合照，但又有誰知她成功背後的辛酸？
陳明恩06年畢業後，曾簽約做歌手，惜唱片公司倒閉，令她至今仍未出到碟。她是無綫特約演員，拍過《同事三分親》、《讀心神探》和《名媛望族》，但因一副洋人臉孔，發揮始終有限，鬼妹看得很通透：「係有難度，但睇你點睇，一杯水可以睇半杯滿，定半杯空，係有好多角色做唔到，但如果有個角色做英文老師，咪好fit我囉！好似今次套劇真係需要我呢類人，事實上圈中都唔多嘅，今次好新鮮，靚仔靚女一定要有，小寶（陳嘉佳）肥嘟嘟，祖藍細細粒，我就白雪雪，社會就係有唔同種人，睇你係咪正面去睇。」無論性格怎樂天，鬼妹也有過失落時候：「我曾經都唔開心，有段時間好努力，想人哋覺得我係（港人）一樣，但一行出來始終係外國人，人哋第一句都係『Hi, what do you want？』嗰段時間諗過不如放棄啦，做番個真係鬼妹嘅鬼妹算囉。」她又以奶黃包形容自己：「其實我已經係一個奶黃包，裏面係黃色，出面係白色。」
談到夢想，鬼妹最想還是當歌手，記得她08年擔任蘇永康個唱嘉賓，與他合唱《來夜方長》一鳴驚人，原來鬼妹的家族成員都熱愛音樂：「人哋細個睇電視大，我就聽音樂大。」最近她有首派台歌《異種》，歌詞便是她的心聲，隱約感受到被歧視的蒼涼，她更希望今年可以出碟。

■鬼妹（左）在《老表》經常哭泣。劇照坦言從未拍過拖

見到鬼妹開朗性格，異性緣應很旺，原來她跟小寶一樣未拍過拖，她說：「我鬼妹樣啫，畀人感覺好開放，狂拍拖，但其實都唔係。」她正等待白馬王子出現：「最緊要愛我，冇諗過係乜嘢國籍人，要生活態度一致。」《老》劇有中港矛盾議題，投訴不斷，鬼妹正是欣賞香港人發表意見：「慢慢睇，其實係講緊我哋中國人同一個國家，無論大陸同香港都係中國人，應該和諧，欣賞對方。」
採訪：卓寶花

話你知：老外演員路崎嶇 41,513

河國榮