森美可能無老竇咁靚仔，但絕對係叻仔。早幾日，媽咪姐撞到佢收工由商台行返屋企「嘉皇臺」， 3分鐘就到，仲值千八萬，好羨慕呀！

媽咪姐

森美爸型過森美

2013年01月25日 ~~ 第913期 忽然１周

39歲森美由做 DJ到依家做埋電視劇男主角，真係唔嘢少！最近佢將老竇舞獅嘅相放上微博，點知一班粉絲居然個個大讚世伯，仲猛問點解老竇靚仔過個仔㖭。

其實森美爸以前係做消防員嘅，所以高大靚仔，但就嫌自己讀書唔多，一直想個仔入到名校喇沙，卒之森美生性讀到。不過同學仔個個坐平治寶馬返學，佢就坐巴士，「同學仔大多有錢，但佢哋唔介意人哋窮，反而介意人哋唔讀書，所以我讀書時死鋤㗎！」森美讀到書又慳儉， 05年就用一千萬買咗個廣播道單位，依家升到千八萬啦！森美爸早就退咗休，得閒幫個仔睇住兩個孫。不過佢仲好壯健，所以舞吓獅之類嘅活動，對佢嚟講絕對唔辛苦，仲覺得不知幾有樂趣呢！


上星期，森美一 pose靚仔阿爸張相上微博，即刻引來大量留言。雖然讚阿爸多過讚佢，但兩仔爺，無計啦！


消防員出身嘅森美爸，一手抱孫，一手傾電話，輕鬆自如，型呀！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄