插圖： Wendy

揞名爆

「泥豬」點人唔使本

2013年01月25日 ~~ 第913期 忽然１周

「泥豬」喺公仔箱做阿姐嗰時，出咗名無乜時間觀念，遲係一定嘅！只係估唔到佢嫁咗入豪門，印印腳湊小朋友做少奶奶，都一樣冇變過啫！

即係咁，做咗阿太嘅「泥豬」依然貪靚嘅，不過為免被狗仔隊影到，通常 call人去佢間豪宅同佢做美容呀按摩呀，足不出戶。之不過，呢位過氣阿姐個鐘仲係有「時差」，好似明明約人下午三點，但就會喺兩點半嗰時打俾人，叫人哋兩點九前好去到喎。嘩，你估坐火箭咩？而且有錢人梗係住喺啲鳥語花香、渺無人煙嘅地方，即係遠囉！咁咪等於迫人飛的士，仲要喪跑先趕得切。
咁都算嘞，最慘係「泥豬」周不時會喺約定時間前十分鐘，先打電話同人講自己突然有事，唔要 service咯喎。嘩！人哋都差唔多去到門口啦。唉，搵兩餐啫，咁又蝕咗半日，再蝕埋車錢俾你咯！好心「泥豬」就體諒吓人，有錢唔係大晒嘅。 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄