出賣為食樣
拍攝當日，小寶經過一輪狼吞虎嚥後，不消半粒鐘，全枱牛肉、羊肉都消滅了。
娛聞樂
《老表，你好嘢！》肥鬼上位 230磅細細粒日吞 8碟肉
新劇《老表，你好嘢！》玩盡中港矛盾，加上王祖藍一串七個新丁演出，新鮮感十足，難怪首周平均收視有 30點。
當中重達 230磅的「細細粒」小寶（陳嘉佳）和廣東話正宗過港女的鬼妹「小茜」（陳明恩），得《老表》帶挈，近日意外成為高登巴打另類新寵。
其中語出驚人的小寶，自稱處女，恨拍拖恨到口水流，曾嘗試地獄式減肥，奈何擁有焚化爐胃口的她，日食六餐兼每晚隊兩桶雪糕。日前記者貼身追訪她一日的進食餐單，單單一個打邊爐，她便鯨吞 5碟牛肉和 3碟羊肉，想減肥？小寶咪得把口至得 㗎！
肥妹擦得
27歲的肥妹小寶， 09年在「新一代警察道具公司」做秘書，被電影《矮仔多情》副導演睇中拍戲，自此半隻腳踩落娛樂圈。天生肥底的她，自小是食物焚化爐， 3歲時已重達 40磅， 5歲時已經食得落成碟鐵板牛柳絲炒麵。到小五時，她已經重達 120磅，拍得住欣宜。她說：「我媽咪都話我淨係識食同 瞓，其實我屋企人食齋，我驚食唔飽，晚晚返屋企食飯前，我都要先去食碗麵打定底。」
網友撐靚
唔少網友都讚小寶五官靚，若然肯的起心肝減減磅，大把巴打追啦！
打雜秘書
小寶在「新一代警察道具公司」任職秘書，平日她忙到一腳踢，除文職工作外，搬貨、倒垃圾等任務都要做。
食肉獸唔食菜
現時體重已達 230磅的她，開口埋口想「變瘦 D」，但日前本刊記者目擊她相約同事食火鍋自助餐，頭一輪嗌 嘢食，她已一口氣食了三碟牛肉、兩碟羊肉和兩碟雞子，嚇窒侍應。其間她身邊男同事說：「我晏晝幫你買下午茶 嗰陣，你已經食 咗個豬扒包同雞髀薯條，好心你食 啲菜啦。」雖然同事好心相勸，但聽唔入耳的小寶，再嗌第二輪時，同樣點了一碟雞子、一碟羊肉和兩碟肥牛，三扒兩撥再掃晒落肚。
不停口食足兩個鐘後，記者提議約小寶到其他地方做訪問，但她拍拍肚腩舒了口氣說：「我食到好飽，今晚又咁凍，我要返屋企 瞓覺，不如聽日再約時間做過啦！」
上網買衫
小寶噸位十足，香港時裝店很難有她的 size，所以無論內衣或面衫，她都上外國網站選購，其母亦會替她做衫。
同事暗寸
小寶在公司枱面放了一張戒食清單，要與媽咪麵、打邊爐等不良飲食習慣絕交，但同事都笑她不能成功戒絕這些「朋友」。
瘦唔過三日
唔敢坐巴士
肥鬼彈出
肥妹小寶同鬼妹陳明恩在《老表，你好嘢！》中，與王祖藍、王菀之合組「 Oh！ Baby」組合，率先彈出，成為網友熱話。
礙於自卑感作祟，小寶由細到大未試過到沙灘和泳池，家中連一件泳衣都冇，最慘是她連巴士都唔敢坐，寧願以的士代步。「我好怕搭小巴同巴士，坐親我都要坐單邊位，但有半邊跌 咗出 嚟，驚阻到人，坐兩座位又俾人眼望望，所以逢親搭地鐵同巴士，有位我都唔敢坐，寧願企喺度。搵男友？ No way！其實我都想有男仔肯接受我，不過有邊個男仔想拖住隻大笨象出街？咁核突，我自己都接受唔到啦，唔通日日 喺屋企拍拖咩。」其實小寶五官唔差，性格順得人，瘦番 啲應該有市場，只需忍忍口，總有一日會搵到 Mr.Right。
肥妹進化史
肥妹小寶出世時只得 6磅。不過日食夜食之下，她的體重直線上升。雖然她曾地獄式減肥，兩個月內只食生果充飢，可惜之後無以為繼，每次減肥都維持不到三天。
2歲 10磅精靈期
5歲 50磅初肥期
15歲 180磅減磅期
16歲 140磅索女期
超標四倍
肥妹小寶只得 27歲，身高 5呎 6吋。日食 6餐的她，重達 230磅。尚營坊註冊營養師鍾蓉文表示：「同齡同身高嘅女性，健康體重水平為 135磅，每日大約需要吸收 1,600千卡熱量。而佢本身有 230磅，大約要吸收 2,400千卡（熱量單位）。根據以下餐單，佢吸收咗 10,270千卡熱量，超標四倍。以佢嘅食量，好容易患上脂肪肝同高膽固醇，加重心臟負荷，有中風危機。」
早餐
4條腸仔加煎雙蛋，一杯普洱茶（約 580千卡）
午餐
帶子番茄燴意粉餐、揚州炒飯、榛子雪糕（約 2,640千卡）
下午茶
豬扒包、雞髀薯條餐連汽水加蘋果批（約 1,850千卡）
零食
媽咪麵一包及朱古力三粒（約 720千卡）
晚餐
火鍋自助餐（約 3,600千卡）
消夜
雪糕巴菲及心太軟（約 880千卡）
留言列表
{{ article.title }}
