預計下周一(一月二十八日)入院開刀生仔的周家蔚,前晚就挺着四十二吋巨肚,在老公洪天明的陪同下到影樓激影性感凸肚照,披上薄紗半掩胸的周家蔚非常性感,而洪天明見老婆愈影愈興奮,就即時脫掉外套,赤裸上身影埋一份,二人又攬又玩頂肚,場面搞笑。
而講到兒子將於日內出世,天明就話:「我仲未學識換屎片呀,BB仔啲嘢全交老婆搞,媽咪會幫手,最緊要個仔健健康康,阿爸(洪金寶)已為個孫改定名叫洪大仁,我覺得最好叫洪天天,倒轉讀就『天天紅』,幾好呀!」
![](http://img.eastweek.com.hk/article_multimedia/24399/1_n.jpg)
預計下周一(一月二十八日)入院開刀生仔的周家蔚,日前作最後一激,拉埋老公一起到影樓拍照留念。
![](http://img.eastweek.com.hk/article_multimedia/24399/2_n.jpg)
![](http://img.eastweek.com.hk/article_multimedia/24399/3_n.jpg)