今年英皇派出阿Sa蔡卓妍、王祖藍同杜汶澤一齊拍賀年專輯《叻叻兔福星》，三人更首度合唱賀歲歌，日前仲拍埋MV，搵師弟陳家樂、洪杰同鄭家維客串，全程氣氛都係咁熱鬧。

MV內佢分別以七十年代及現代Look示人，最搞笑係阿Sa會以嬌俏「兔女郎」大鬥王祖藍同杜汶澤惡搞生果小販造型。而上羊毛底衫王祖藍同杜汶澤，仲會以千方百計去吸引阿Sa幫襯添。

拍攝期間，王祖藍同杜汶澤不時爆肚整蠱一眾小師弟，又將生果塞入佢衫到同走佢假髮，兩人笑言：「唔係整蠱，係俾多突發臨場考驗佢。」為令MV更有氣勢，唱片公司又出動三部總值過千萬林寶堅尼，難怪三人一見到都表現得非常雀躍。

問到阿Sa想唔想買一架時？佢表示：「跑車線條真係好靚，但平時工作咁累，收工後都想聲返屋企休息，仲邊夠精神車，都係做乘客安全。」而王祖藍除參與演唱，更一嘗填詞滋味，極速半日內填起整份歌詞，被封為新一代填詞快槍手。
image

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄