我得寵：張美妮轉性 服侍震震狗 12,160 
■張美妮一直有潔癖，但照顧叻叻的大小二便，絕不假手於人。
攝影：陳志嵐
髮型：Sigo Hair Salon
場地提供：Just For Club of Mikiki
無綫藝員張美妮養的貴婦犬3歲半，為牠改名「叻叻」，當然希望牠狗如其名，做個叻仔。從來沒想過養寵物，且有潔癖的美妮，估不到與叻叻相遇，便愛上全身抖震的牠，清理大小二便不假手於人。回想起當初差點失去叻叻，幸好未有放棄，令她更相信緣份。
撰文：溫敏芝
沒想過養寵物的張美妮，當日在旺角寵物店偶遇叻叻，對牠一見鍾情，她說：「其實我一直覺得Poodle（貴婦犬）好得意，有次我同朋友喺旺角一間寵物店發現佢，對佢真係情有獨鍾，其實嗰時都未諗係咪養狗仔，嗰日亦抱過七、八隻狗，但見完佢，我連續三晚掛住呢隻狗仔，第四日我決定返去搵佢。」
執屎尿冇難度
美妮自言本身沒想過養寵物之餘，本身亦有潔癖，對狗隻只遠觀，很少抱抱，她說：「我係掂完要洗手十次嗰種，手、腳抓到我又會好唔舒服，但係佢（叻叻）令我改觀晒，我覺得同佢好有緣份，嗰次抱嘅狗隻隻都好熱情，惟獨我一抱佢出嚟，佢成隻震晒，好驚、好怕醜，但一放入籠又即刻跳跳紮，令我對佢嘅印象好深刻，識得驚，但又可以好熱情。」
■自從養了叻叻，張美妮連個性也改變，甚有耐性教導牠。 
■美妮跟叻叻嘴對嘴，痛錫之情表露無遺。 
■自從愛上叻叻後，張美妮特別鍾意與小狗玩。
美妮表示第四日就決定帶叻叻返家，怎料返回寵物店，店員向她說叻叻已出售，美妮說：「我真係非常失望，好傷心，但我死唔忿氣，周圍再望再搵，點知俾我望到角落位置，有一隻狗仔好似叻叻，又係深啡色，我試吓抱佢，一抱就知道係佢，因為佢會震，但放佢入籠又會叫我，原來間舖有兩間分店，啲員工搞錯咗就話賣咗，好彩我後尾搵番，真係好有緣份，好彩嗰陣時冇放棄。」
現在美妮視叻叻為親生仔，對牠寵愛有加：「我養咗叻叻後，成個人變晒，成日抱佢，又唔怕佢屙屎屙尿，掂佢嘅屎尿完全唔驚，當正係仔。」美妮指那段時間比較清閒，又未入劇組，真的很開心有叻叻陪住她：「嗰段時間我教佢hand hand，屙屎屙尿同埋sit，叻叻改變咗我，由我原本冇耐性，訓練到超級有耐性。」
黐身陪睇電視
美妮平日要返工或出埠，她會將叻叻交給父母照顧：「叻叻亦改變咗我父母㖭，佢哋原本唔鍾意狗，爸爸仲係憎，但係叻叻個幾月大時，我去咗台灣做嘢，就畀叻叻佢哋照顧，初初爸爸見佢曳都話：『唔要你喇，你返去呀！』後尾我去台灣五日返嚟，爸爸媽媽愛到佢不得了，話如果我做嘢唔得閒，可以擺叻叻去佢哋度，之後我先知，原來爸爸放工返屋企，以前通常一個人睇電視，但叻叻嚟咗就晚晚黐住佢哋一齊睇電視，爸爸就鍾意佢，同媽咪一齊當佢係小朋友咁。」
■叻叻經張美妮悉心打扮後，穿起靚衫零舍醒目。 不齒虐待動物
美妮指叻叻一向很乖，但也有曳的時候，試過她夜歸，叻叻可能不開心在家瀨尿，美妮見到會打牠屁股懲戒牠。很多人都說狗有靈性，美妮非常認同說：「有次我唔開心，喺梳化前喊，佢行埋嚟用手掂吓我，好溫柔咁陪住我，我即刻爆喊，知道佢好明白媽咪。」
美妮坦言也想多養一隻寵物，可惜現在沒時間重新教，而且擔心將來組織家庭生兒育女，狗仔與她的子女相處不來及呷醋，還是之後再作打算。美妮又說：「𠵱家見到虐待小動物嘅新聞，真係好憎。動物真係有生命、思想，點解要無端端傷害佢，我出街亦會帶狗繩，驚唔見咗佢，會後悔一世。」
留言列表
{{ article.title }}
