媽咪姐
羅樂林師奶外父
「甘草王」羅樂林之前話同太太陳寶儀嘅關係已經名存實亡，夫妻關係麻麻，但媽咪姐知道佢其實好錫老婆同個女羅苡芝，仲餐餐負責煮飯俾屋企人食㖭！
早兩日媽咪姐就撞到啱啱做咗外父嘅羅樂林，佢趁唔使開工，就去咗九龍城街市買餸，騰嚟騰去，買咗好多菜同肉，成個「師奶」咁。睇嚟呢日阿女應該帶埋老公仔陳志健返屋企食飯，羅樂林有排忙咯！
九龍城掃貨
去到九龍城，羅樂林熟晒架步，好快就行去相熟店舖買新界靚菜心，再買埋梅頭豬肉，好識食。
上年 10月，羅苡芝下嫁港男陳志健，羅樂林同老婆陳寶儀難得同場，一家四口，開開心心，咁咪好囉！
全站熱搜
留言列表
{{ article.title }}
