句句金
句句金
《一代宗師》終於上映，日前更喺北京舉行記招，分享拍攝感受。女主角章子怡直言導演王家 衞變幻莫測，意有所指咁話：
我覺得他這是一個賊船。
上得王家 衞呢條賊船，大部分都係巨星，而且好多最終都有獎攞嘅。咁樣安慰自己，會唔會令你好過啲呢？
男主角梁朝偉亦指漫長拍攝過程令佢壓力爆煲，現階段攰到乜都唔想做，
反正不想拍，休息一下。
煞科又煞科，補拍再補拍，真係人都癲。不過休息歸休息，偉仔都唔好唔記得同嘉玲造人。 
相反王家 衞精益求精，愈拍愈興奮，
如果一路拍下去， 3年還不夠……再給我 3個月也可以。
導演，你咪玩啦。香港觀眾冇意欲同你鬥長命。 
一名網友指何韻詩早前對 G.E.M.的言論有抽水之嫌。早兩日何韻詩就喺 facebook留言反擊對方：
沒有最低智，只有更低智。
媽咪姐只有一句啫：鬧人低智者，便是低智人。講完。 
無綫、亞視早前率眾藝員參加百萬行，身為亞視舊將嘅江美儀，一見舊同事即取笑對方被迫上洗腦課程，
俾心機上堂，畢業請你食飯。
哎吔，得戚得你吖，不過江美儀講得都有道理嘅。捱得過洗腦，莫講話食飯，燒炮仗慶祝都應份。 
新作《古惑仔：江湖新秩序》撞正《一代宗師》同期上映，不過王晶無懼挑戰：
票房永遠沒有必然的，拭目以待。
一套電影除咗計票房，仲要睇埋口碑，兩樣一齊比先公平㗎嘛。 
全站熱搜
留言列表
{{ article.title }}
