亞熱帶
吸金女皇綾瀨遙
綾瀨遙由賣肉水着女一路捱，直至《螢之光》唔做索女做干物女至捱出頭，終於可以封胸，兩度同木村拓哉拍劇，年賺 4.1億日元（ 3千 6百萬港元），成為最高收入日本女星。在新片《給親愛的你》，綾瀨遙進一步升呢，拍住神級演員高倉健及攞獎導演降旗康男，實行進軍國際影壇！
綾瀨遙唔止收入高，仲係男女觀眾都 like嗰隻。在第 6屆「女性最喜愛靚樣」選舉，綾瀨遙兩連冠，打低北川景子、新垣結衣、宮崎葵等女星。有不少投票者都大讚綾瀨遙「自然純真，皮膚又靚，樣貌襟睇」。
至於男性，對綾瀨遙呢種「人間胸器」更加難以抗拒。木村拓哉、堤真一及中井貴一等當紅小生，話對同綾瀨遙合作好好玩。尤其出名有性格 嘅木村說：「同綾瀨遙拍戲好開心，佢永遠都有驚喜俾你。明明上一秒佢食 嘢食得好好 哋，下一秒佢就可以成個便當打瀉晒！」哦，咁即係鍾意佢夠傻氣 啫！
綾瀨遙承認自己在《螢之光》飾演小螢是做回自己，私底下的她不做家務，粗心大意。綾瀨遙說：「我未試過一個人出國，以往公幹出國一定帶錯衫，收尾都係求其揀兩件勉強可以着 嘅輪流替換。我同劇中小螢一樣懶散，所以希望未來老公識做家務。」
賣肉期
回到未紅時， 27歲 嘅綾瀨遙拍過唔少水着寫真。 35、 24、 36，加上 F cup身材，淨係數據已經令宅男未睇相先興奮。
發傻期
07年主演《螢之光》，令綾瀨遙「上岸」封胸。劇中小螢的呆樣煞食，綾瀨遙拍檔藤木直人暗寸佢演技麻麻，話佢只係「成日發白日夢」。寸還寸，兩人合作了兩輯日劇，另加一部電影。
上位期
綾瀨遙曾兩度同木村合作，第一次是《 Mr.Brain》（下），木村飾演神化破案專家，觀眾睇唔慣，令收視欠佳。第二次合作《南極大陸》，綾瀨遙做木村姨仔，攜手開發南極大陸，成功挽回收視。
求戀期
拍《仁醫》時，綾瀨遙被傳同劇中男主角大澤隆夫（左）搭上。綾瀨遙死口唔認戀情，不過佢話過自己鍾意熟男，大澤隆夫大過佢 17年， 啱晒佢啲重口味。
孭飛期
在新劇《八重之櫻》，綾瀨遙出身於一個武士世家，雖然出嫁從夫，不過綾瀨遙一直從事教育，並且做埋軍隊護士，為國出力。單睇宣傳照，就知綾瀨遙一個人由頭帶到尾。
22萬港元劇酬
綾瀨遙咁識搵錢，又使乜自己做家務！在《朝日藝能》剛公布的日本女星年度收入榜中，綾瀨遙以 4.1億日元（ 3千 6百萬港元），力壓黑木美紗、長澤正美、松 嶋菜菜子等女星，成為 2012年最吸金日本女星。雖然全年收入贏晒，不過單計日劇劇酬，日劇女王仍然係菜菜子，她復出的日劇《女管家三田》大收，令菜菜子企硬一集 350萬日元（ 31萬港元）劇酬，力壓一集收 250萬日元（ 22萬港元）的綾瀨遙。不過綾瀨遙的劇酬，都有陳豪、黎耀祥嘅 7倍左右！
其實綾瀨遙自《仁醫》以來，套套日劇都有 15%以上收視（ 1千 9百萬觀眾），走勢甚好。加上菜菜子老公反町隆史去年同舊愛稻森泉翻撻，菜菜子今年都要減產睇實老公。綾瀨遙大可把握時機，由阿二攝位做日劇女皇。
綾瀨遙有唔少化妝美容廣告 喺手，不過佢放下靚女身段亦得，好似佢連續兩年黐鬚扮肯德基上校 sell炸雞。
為健康飲品拍廣告，綾瀨遙繼續封胸，不過伊人為靚靚減肥，瘦到心口見排骨。
新作狂收 23億
《給親愛的你》是日本銀壇鐵漢高倉健及著名導演降旗康男，自《鐵道員》之後另一次合作，在日本大收 23.5億日元（約港幣 2億元）。部戲 1月 24日抵港，故事講述高倉健飾演的倉島，由於收到已故妻子洋子（田中裕子飾）的來信，於是孤身揸車展開尋找真相之旅，遇上了賣便當的田宮（草弓剪剛飾）和南原（佐藤浩市飾）等人，令他對生死和家人的關係有新體會。
綾瀨遙飾演日式食堂太子女，協助高倉健找船出海為亡妻撒骨灰。綾瀨遙話：「高倉健有幽默感又轉數快，經常撩人講笑。」高倉健出名 cool，係咪見你靚女至撩你㗎？
高倉健（左）收到已故妻子田中裕子（右）來信，希望他將其骨灰帶回家鄉長崎撒入海中，並到當地郵局收取留言。田中即係昔日嘅「阿信」，認唔認得？
北野武是高倉健的大學師弟。他在片中飾演中學教師，兩人大談旅行的意義。
留言列表
{{ article.title }}
