娛樂八掛大放送★

許紹雄 不介意被指奪 安慰獎 許紹雄：賺錢實際啲！

65歲的許紹雄（Benz）最近在無綫「萬千星輝頒獎典禮」中，首度奪得獎項，獲得首度頒發的「傑出演員大獎」，72年第一期訓練班入行，服務無綫37年終於獲得加許。對於這個外界認為是遲來的獎項，甚至被指是個安慰獎，豁達的Benz雄不以為然，反而笑笑口說：「獎又唔可以當飯食，賺錢實際啲！」
撰文：杜淑霞　攝影：畢紹基

Benz雄入行40年，今次奪得「傑出演員大獎」是繼09年在馬來西亞「Astro On Demand我的最愛頒獎典禮2008」憑《賭場風雲》奪得「我的至愛紅中一點綠獎」外，首度在港奪獎。Benz雄笑言：「今次去領獎無乜壓力，所以無開心到瞓唔着。」

未夠資格稱王

對於外界認為獎項來得太遲，甚至形容只是個安慰獎，Benz雄繼續幽默作風說，「無話遲定早，呢啲係人哋睇，即係邊套係代表作，都係人哋講，佢哋話《暗戰》嘅『黃啟法』、《新紮師妹》嘅 『方鍾Sir』，甚至係《新紮師兄》嘅『舅父冬』，但對我嚟講，獎項唔係無意義，但係獎又唔可以當飯食，賺錢實際啲！」

Benz雄拍攝超過150套電視劇，雖然一直被派演配角，好像最近在新劇《法網狙擊》飾演的可愛慈父「甘保祥」，但他樂得做「綠葉」，他笑言：「做主角咁辛苦，好似最近我上內地拍攝《雙程單戀》無覺好瞓。」

不過對於被封「綠葉王」，Benz雄則未敢擔當，「嘩！我邊度係王，我未夠資格，好似波叔梁醒波呢啲『醜生王』先至配得起㗎嘛！」

Benz雄認為觀眾的熱烈反應，有時比得獎更實際。

Benz雄坦言現在對工作的追求，只是向錢看。

Benz點解叫Benz

Benz雄72年讀訓練班後加入無綫，工作了3年後轉到麗的電視，期間因是圈中首個購買新Benz代步的藝人，因而得名，「嗰陣時同黃偉收工去咗車行睇車，咁啱有架新Benz，個客訂咗又話轉款，我計落同我供緊架車差幾百蚊，又唔使等咪舊換新囉！之後我都有揸過幾部Benz，依家改揸日本車啦！」