娛樂八掛大放送★

一眾有 iPhone嘅車主，除依賴 Google Map做導航，最多攞嚟打吓機就算。查實智能手機 N咁多個 Apps，用得唔好嘥，今日介紹嘅小工具，夠實用又具娛樂性，等你喺 2011年可以揸住 iPhone、路路暢通！記者：徐影龍攝影：周旭文Model： La Ying、 Halie@GME Models

其他副刊影片 《香港交通快拍》趨吉避凶 放大圖片

■唔好淨係識打機，大堆實用 Apps對車主都好有幫助。

揸咗豐田 bB幾年嘅老編，聽到話做 Apps特輯，話一定要講呢個《香港交通快拍》。事關入面嘅「交通新聞」功能，將港九新界突發交通事故，以超快速度 Update，佢就試過幾次屯門、觀塘大塞車，靠佢知道前面發生乜嘢事，雖然都係塞一輪，但遇着大鑊嘢，可盤算一下改道而行，慳番唔少寃枉時間，雖未至於「趨吉」，但絕可「避凶」， 1.99美金算物有所值。呢個 Apps最強地方係「交通快拍」，駁住運輸署路面監察鏡頭，各大區道路情況即㩒即知，出發前望一望，又係 Save Time好幫手。最可惜呢個功能幾日前突然失靈，俾網民鬧到七彩，官方話已解決相關問題，心急嘅話大可 Download用住先，等更新版出爐。

放大圖片

■更新版出籠後，就可連接運輸署幾十個監察鏡頭，避開塞車窘境。

放大圖片

■極速更新封路、炒車資訊，過時過節尤其重要。

免費小工具

老竇嗰代教落「唔怕貴、最怕免費」，今時今日周街試用版同 Free Ware，呢句嘢已不合時宜，以下呢堆 Apps全部 Free of Charge，好玩實用兼而有之，請慢慢享用！

實耗油量《 VehiCal》 放大圖片

記錄你車程同耗油等資訊，每次入完油習慣性咁輸入番油費及路程等資料，作一個耗油分析，仲可加入超過 20部車嘅紀錄，有錢富二代或有車隊嘅公司尤其啱用。 Apps預設單位係加侖及英里，應先到 Setting度改番港人用開嘅公升及公里。

安全提醒《 instant traffic》 放大圖片

標示出港九新界各個沙龍位分佈，每當臨近「靚仔位」會有響聲提示你安全車速。當然，呢個 Apps只係提醒一啲無心之失嘅車主，你慣咗長期超速揸快車，抵抄牌啦！

乜車都識 Call《 iCallCar》

一個 Apps包含紅綠的士、貨 Van等 Call車公司電話，連拖車服務都有 40間俾你揀，唔怕緊急時手忙腳亂，可算車主必備 Apps之一。

放大圖片

放大圖片

■網羅全港 Call車服務電話，連拖車公司都有。

泊車入油唔使搵《關理車事》

揸車到陌生地方，第一最怕搵停車場，第二就係油缸燈「見紅」。呢個 Apps除咗有齊大小 Car Park位置同收費外，仲有就近油站分佈，全部可連上 Google Map搵最佳行車路線，幾偏僻都唔使驚。

放大圖片

放大圖片

■有齊地址及電話，仲可即時連上 Google Map，包無行錯。

消閒女 放大圖片

介紹完實用 Apps，輪到最令人神魂顛倒嘅遊戲類。男人最愛嘅賽車 Apps有唔少，但好玩又免費嘅唔算多，以下兩個都值得一試。

頭搖尾擺甩住玩《 Drift Mania》

iPad專用 Game，全 3D實時運算，賽道同戰車均做得好仔細，玩法更係非常刺激嘅飄移入彎，扭吓擰吓玩到頭都側埋。 Lite版提供兩架戰車，其中一款仲扮晒寶馬 M3，換晒碳纖及拉花，相當抵死。

放大圖片

■扭擰 iPad攻下連續 S彎，甩得勁車胎仲會標晒煙，好刺激。

放大圖片

仿車震打破悶局《 saic motor》

輸入一男一女相片，然後推斷出愛情結晶 BB樣貌，玩法唔算創新，但抵死在過場動畫有男女「車震」剪影，仲要你猛 Chok部 iPhone先出結果，一男一女坐喺車內無話題，呢個 Apps就係你救星。

放大圖片

放大圖片

■詹瑞文加姚樂怡，結果係乜唔重要，玩嘅過程肯定打破雙方隔膜。