娛樂八掛大放送★

Angelababy（楊穎）去年吸金驚人，她與好友合搞美容生意，出資 100萬元升呢成為美甲店老闆娘，並找來母親任店長。早前她被發現與男友黃曉明游水時又遞毛巾又餵食物，她昨日尷尬地承認是細心女友，真箇事業愛情兩得意。

其他娛樂名人影片

元祖級 o靚模 Angelababy夥拍攝影師好友 Mikoco合作搞美容生意，斥資 100萬元於銅鑼灣 m:home大搞美甲店。昨日 Baby身穿黑色 tube dress，以老闆娘身份任新店剪綵嘉賓，其母及模特兒好友楊汀叮前來助興， Baby笑言找來母親作店長，她說：「佢成日喺屋企冇嘢做，家可以畀啲事業佢。」

放大圖片

Baby欽點母親「 Angelamommy」（左）任店長坐鎮睇舖。

放大圖片

Baby找來模特兒好友楊汀叮作廣告硬照女郎。

「佢修甲似我就驚」 放大圖片

Angelababy與攝影師好友 Mikoco（右一）及好友楊汀叮（左二）為美容店剪綵。

問到男友黃曉明是否知道她創業， Baby笑言：「唔知佢知唔知，佢睇報紙咪知。」問到她新店有否招待男賓，她說：「有，我公司有個員工好鍾意小豬（羅志祥），希望可以搵到佢，朋友都會有折扣。」記者問到黃曉明會否有打折，她即避忌說：「佢有好多 sponsor。」問到男友是否姿整， Baby說：「如果佢修甲好似我咁，我就驚，唔好講佢，每一次都講佢。」早前她被拍到服侍男友游水，在池邊遞毛巾又餵食物，她即尷尬笑說：「唔再講。」不過當記者大讚她是細心女友時，她又開心地笑說：「都係嘅，不過想跳出呢個話題，每次出活動都講呢個名，想有新鮮感。」採訪： Jessica Ngan攝影： Dicky Chan


Angelababy斥資開美甲店，十隻指甲當然玩盡花臣（小圖）做人肉招牌。