吳雨霏自摸托胸 辣慶紅館
吳雨霏前晚再踏紅館開騷，fit爆的她勁騷舞技及白滑長腿，更在網球王子男友洪立熙面前與四名男舞蹈員肉搏兼跳辣身舞，還不避嫌望實男友唱情歌，相信兩人的「冷戰」已成功升溫。
吳雨霏（Kary）一連兩場《The Present Concert》演唱會前晚於紅館開鑼，吸引好姊妹楊愛瑾、區文詩、何超蓮、何超盈及傳冷戰中的網球王子男友洪立熙（Brian）捧場，Brian刻意趁熄燈才現身，被記者認出的他一臉尷尬頭耷耷。狀態大勇的Kary以閃銀色歌衫邊唱邊跳，與男舞蹈員跳辣身舞，Kary先從後攬實舞蹈員，接住與眾人埋身肉搏，被男舞蹈員360度轉兼打側手翻等難度高動作。
詐嬌話怕寂寞
Kary早前表示與Brian冷戰中，前晚她不避嫌走到男友面前唱情歌，氹得Brian主動起身跳舞，當唱出hit爆歌《人非草木》，未知是否向男友憑歌寄意說：「每段關係結果唔重要，過程學到咩，袋到啲咩落袋，之後變成咩人。」隨即讀出歌詞「回頭就算認錯、還是錯得很對」，似與男友重修舊好，而獻唱《怕》時，Kary向男友詐嬌說：「其實我好怕事、怕黑、怕靜同怕寂寞，頭先出場前好怯。」
吳雨霏被舞蹈員抬起。
勁歌熱舞的吳雨霏，做出誘人動作。
側田神秘現身
接着Kary以「肉色」透視貼身連身衫、頭戴巨型蝴蝶，造型激似Lady GaGa，當她面向鏡子背住觀眾獻唱，大會鏡頭從Kary腳掃上頭，當拍到屁股位時，現場即(o依)嘩鬼叫，Kary更邀得組合at17表演，身為「哥哥」的側田則以神秘嘉賓亮相。期間大銀幕播出兩歲時的Kary演繹陳百強金曲《一生何求》短片，片中的Kary突向住鏡頭除褲露出小屁股，引得全場大笑，最後Kary以露臍上衫襯熱褲唱出《殺她死》時，一度托胸及自摸，更做出倒豎葱動作，令觀眾熱血沸騰。
吳雨霏
吳雨霏在台上換衫。
男友洪立熙不停舉機為女友拍照。
側田與吳雨霏相擁合唱。
採訪：音樂組
吳雨霏鬥肉緊 7,874 
【興奮鍊膊】
攝影：仇志德
吳雨霏（Kary）一連兩場《Kary The Present Live》前晚喺紅館舉行，除咗好姊妹餅碎楊愛瑾、區文詩，Kary舊愛、網球王子洪立熙亦大方捧場，仲有賭王何鴻燊千金超盈都撇甩密友林愛兒，同妹妹超蓮及朋友開心睇騷。Kary嘅歌衫大部份騷長腿同露背，仲玩台上換衫，驟眼望上去仲大露背玩真空誘惑，其實佢着咗肉色打底衫，睇到男粉絲鬼咁肉緊。Kary又同男舞蹈員喺長枱上跳舞同做出高難度動作，不過因佢嘅耳機成日跌落嚟，搞到論盡又狼狽。
【男伴瞓肚】 
【台上換衫】 
【at17合拍】 
【餅碎撐場】 
【姊妹重逢】
Kary請咗at17同側田做嘉賓，又播咗自己細個嘅片段，有佢除褲露股片。當Kary唱《一生何求》時話：「多謝父母，呢首歌係我識唱嘅第一首，送畀父母，我唔敢望佢哋，怕喊。」
撰文：洪紅克
Kary「認錯」救戀情
吳雨霏早前表示與拍拖多年的男友洪立熙處於冷戰期，但她於前晚個唱中獲對方撐場，她更不避嫌向男友獻唱情歌，期間又兩度訴心聲，當中以歌詞「回頭就算認錯，還是錯得很對」傳情，看來兩人已重修舊好！
歌手吳雨霏（Kary）前晚於紅館舉行一連兩場《The Present Concert》的頭場，吸引不少圈中人捧場，包括「何家淑女」超蓮與超盈、「餅女」好姊妹楊愛瑾與區文詩及音樂人等。雖然Kary去年曾表示與網球手男友洪立熙處冷戰期，但男友於熄燈準備開場之際突然現身，匆匆走到台前就坐。當被傳媒發現時，他顯得非常尷尬兼頭耷耷，同行女子原本於兩人坐下後側身遮擋鏡頭「護駕」，但仍被發現蹤影，最後他大方地對着鏡頭微笑。
對於冷戰中的男友突然撐場，Kary看來早已洞悉先機，頻頻不避嫌走到洪立熙就坐的台前獻唱，似欲隔空傳情！當唱到《人非草木》時更有感而發，她向着男友坐的方向說︰「我覺得一段關係，係有分歧同反叛。我覺得一段關係，結果唔重要，係過程學到啲乜，袋咗啲咩落袋，變咗咩人。」隔空向男友盡訴心中情！其後，她又引用歌詞中的兩句「回頭就算認錯，還是錯得很對」，看來兩人已重修舊好。
由於今次是由服裝品牌贊助，Kary個唱上轉換多個造型，當中以白色珠片造型伴「微峰」出場！雖然個唱造型以騷腿為主，但觀乎Kary的玉腿略粗，難怪她亦承認肥了七磅！她於台上施展渾身解數又唱又跳，連唱兩首歌後再換上一條吊帶長裙赤腳走在台上，與男舞蹈員埋身肉搏！除了激跳辣身熱舞外，她還施展側手翻及後空翻等連串高難度動作，觀眾拍爛手掌。
露股片段曝光
其後，Kary於台上表演換衫，雖有肉色打底衫，但難得向觀眾晒背，仍令現場氣氛升溫！她緊接換上另一套緊身衫，當攝影機影至緊緻美股時，現場再尖叫四起。個唱尾段，Kary再次剖白內心世界︰「入咗行10年，每日都化妝整頭，有日返屋企望住塊鏡都唔認得自己！」並又向男友訴心聲︰「我同普通人一樣，好怕事、好怕黑、好怕靜同好怕寂寞。」
最後，Kary身穿露腰熱褲再與男舞蹈員肉搏，除做出托胸自摸等誘人動作，還施展「人肉倒豎葱」，接着播出她兩歲時唱歌的片段，片中的她突然面向鏡頭除褲露股，片中的吳媽媽即說︰「做乜除褲！」全場爆笑！Kary自言想將片段保留至結婚才曝光，但遭演唱會監製寸「有排」。不過看她於個唱中向男友「交出」真情，又未必「有排」呢！
第一手消息請下載on.cc東方互動iPhone/iPad/Android/Windows Phone Apps
專案組
Kary畀男舞蹈員Fing到飛起，觀眾拍爛手掌。
Kary以珠片造型為個唱打頭陣，罕有晒胸。
Kary向男友洪立熙當眾「認錯」，希望結束雙方冷戰。
洪立熙聽到女友Kary隔空示愛，開心得起立拍掌！
Kary與男舞蹈員貼身跳辣舞，部分似足體操動作。
Kary台上表演換衫，盡騷白滑「肉」背！
Kary除褲露股，粉絲咪走雞！
霏洪戀時「情」時暗
戀情曝光
2009年4月，吳雨霏（Kary）與網球手洪立熙（Brian）被拍得「孖公仔」行山放狗，被揭秘密拍拖兩年多，事後直認與他從小已相識。
痛爆分手
2010年12月，Kary為紅館騷舉行記者會時突然自爆回復單身，宣告與Brian的戀情玩完，但一直拒絕透露分手原因。
感動復合
2011年2月，Kary舉行紅館騷時在台上剖白愛情：「四年前我愛上一個人，我哋遇到好多困難，但我依然相信愛！」繼而含淚唱出《絕配》，舊愛Brian突然走上台前獻花及擁抱Kary，令個唱變成「復合」騷。
翻撻遊泰
2012年初，Kary被拍得與Brian及家人一起到泰國布吉旅行，事後她笑說：「冇諗過咁都畀人影到，依家連出街都唔敢。」
進入冷戰
2012年9月，Kary突然表示因要準備演唱會而把戀情「急凍」，男友更被降級成為朋友：「暫時大家做番朋友，因我太忙唔想理太多。」
超蓮睇騷巧遇超盈
前晚賭王兩位千金何超蓮和何超盈各自相約女友人到紅館欣賞吳雨霏（Kary）演唱會，先到場的超蓮和友人安坐後，其同父異母的姐姐超盈亦來到，雖然兩姊妹相隔3、4個座位，但超蓮頻頻擰轉頭跟家姐超盈交談，當記者要求兩姊妹合照，她們立即起身企定定任影，認真姊妹情深。問超蓮為何沒有跟男友同行？她耍手擰頭不語，問她意指冇男友抑或沒帶男友？她笑住話：「我唔回應啦。」
側田神秘撐場搞濕「阿妹」
前晚個唱上，組合at17獲吳雨霏（Kary）邀任表演嘉賓，三人笑言可組成新組合「音樂濃妝」，at17成員盧凱彤則自爆當年與Kary行街被狗仔隊追訪的瘀事：「佢叫我唔使驚，之後帶咗我入後巷，最終都係畀人影到，點知報道話我係佢同學！從此，我就知要同Kary歌路唔同。」至於側田以神秘嘉賓現身，嚇得Kary目瞪口呆，側田說：「佢之前打畀我，問我可唔可以做佢嘉賓，我話我好忙，但身為阿哥嘅我又點會唔嚟支持你。」氹得Kary熱淚盈眶！
側田任神秘嘉賓，攬實Kary給予支持。
at17笑言要與Kary組「音樂濃妝」，又爆陳年瘀事。
GaGa上身閃爆
吳雨霏全晚個唱頻頻轉造型，部分更激似美國當紅歌手Lady GaGa！其中GaGa頭頂巨型蝴蝶的造型深入民心，湊巧Kary其中一造型便是戴上巨型蝴蝶襯黑長裙；另一套金閃Bra Top、黑熱褲亦與GaGa的個唱造型相似。
Kary身穿閃令令Bra Top跳舞，動作夠火辣。
Kary頭戴大蝴蝶結，似足GaGa。
超蓮巧遇超盈雞啄唔斷
吳雨霏（Kary）前晚舉行紅館頭場演唱會，吸引不少名人捧場，最矚目是賭王千金何超蓮及何超盈！超蓮在一位女友人陪同下入座，等坐定定開騷之際，同父異母的姊姊超盈突然出現。兩姊妹雖相距三、四個座位，但超蓮看到超盈後頻頻遠距離交談，似乎年前三、四房爭產的不和傳聞無損姊妹情，最後又應傳媒要求合照。問到超蓮為何不相約男友睇騷？她即不停耍手，再問是表示冇男友還是沒約男友？她終開口說：「我唔回應啦！」
超蓮（左）與超盈碰面後即打招呼，又大方合照。
留言列表
{{ article.title }}
