同你吟一吟
周秀娜素顏勝 Baby
八珍成日都講，化妝品係偉大發明，雖然唔係個個化完妝都會變李嘉欣，但將啲眼耳口鼻畫番出 嚟，個樣點都會醒神好多。
星期一（一月七日），有護膚品牌為 咗推銷旗下卸妝油威力，請 嚟周秀娜同莊思敏做示範，先幫佢 哋化個靚妝，再即場洗面卸妝。
大家除 咗見證到支油有幾 work，仲即場見證周秀娜同莊思敏 嘅真面目。問心 嗰句，眼大胸更大 嘅娜姐，零妝依然見得人，只係面上有少少雀斑，唔化妝個樣一樣 sharp，反而同場 嘅莊思敏，聽聞佢唔只對胸，個樣都做過吓手腳，但妝前妝後依然兩個樣，化妝品威力，唔講得笑。
至於成日俾人話變樣 嘅 Angelababy，上個禮拜六（五日）同經理人去中環 high tea，二十四歲後生女唔敢零妝見人要加副大黑超，著衫著 Chanel，手袋攞 Hermes，打扮成熟咗廿年都有。兩日後， Baby出席自己間美甲店活動，化濃妝現身，個嘴唇明顯比之前又豐滿 咗。青春係本錢，比 Baby老差不到四年嘅周秀娜，依然信呢套！
低胸裝現身，娜姐洗面𠌥一𠌥，心口好驚人。
走樣度： 20%
莊思敏妝前妝後兩個樣，如果當日林忠豪早一步見到呢張相，仲會唔會追佢呢呵？
走樣度： 80%
唔搽唇膏，都有豐唇效果 嘅 Baby，去 tea唔敢素顏見人，點
都要加黑超隔一隔，出活動更加要化
厚妝。
走樣度： 30%
全站熱搜
留言列表
{{ article.title }}
