娛樂八掛大放送★

陳冠希（Edison）對妹似乎情有獨鍾，繼被揭啜爆模謝芷蕙（Cammi）搞到分手，又被爆傳短訊畀D奶Jeana誘佢着性感內衣被拒。 Edison早前喺北京拍戲，識咗同組內地新人吳思凡，有指Edison向圓臉孔兼眼大大嘅吳思凡「抄牌」，然後狂發短訊邀請她密會，情慾短訊絕密曝光，內容有Edison不停游說吳思凡去酒店見面，而吳思凡嘅好友M小姐卻代為出頭，不值Edison所作所為，仲爆料話Edison想約埋劇組另一女生玩三人行。 Edison有唔少女前科，但從M小姐提供嘅短訊截圖顯示，唔識中文嘅Edison，偏偏大部份短訊都用中文傳情，不禁令馮仁昭懷疑有人想借Edison上位。

Cammi倒奶誘宅男
衰在Edison已被舊愛Cammi用盡，女方即將推出寫真誘宅男，bra top倒奶相搶先睇，比起往日只係賣大眼妝，Cammi呢舖擺明谷咪抗其他暴乳模。佢仲食住個勢北上賺人仔，噚日凌晨就去咗上海唱夜場。

有指Edison早前同吳思凡合作拍戲，馬上向佢「抄牌」。

內地新人吳思凡同Edison嘅情慾中文短訊離奇流出。

Cammi嘅寫真集大玩透視誘惑，呢個擘髀甫士夠晒狂野。