12年正式浮面方力申同鄧麗欣呢一對，喺年初被傳媒踢爆結伴歐遊，戀情終浮面。係囉，以後唔使再偷偷摸摸咪好囉，男女拍拖都好正常啫！
老婆本 龍 年娛圈喜事特別多，藝人名人紛紛趕喺今年結婚生仔，連霍啟剛、郭晶晶及郭富城、熊黛林都傳出婚訊，而一直喺娛圈被視為「金童玉女」的方力申（Alex）及鄧麗欣（Stephy）拍拖5年，感情穩定，盛傳二人將於今年尾拉埋天窗。早 前方力申出席活動時，漏口風自爆同Stephy已屬同居關係，Stephy亦擺明恨嫁，透露可能今年隨時閃婚。兩個咁有默契，原來全賴小方投資有道，呢幾年投資買樓，又識北上掘人仔，短短幾年單係賣樓所賺加上物業賬面資產，已超過2千萬，小方水頭充足，唔怪得Stephy嫁硬佢啦。

 
方力申（Alex）與Stephy緋聞傳足9年，直至三月頭被踢爆秘密歐遊，先肯承認拍拖5年，去年二人更齊簽約內地經理人，北上拍劇拍電影，狂賺人仔。

鮮有露面
喺內地努力搵人仔，二人好少喺香港蒲頭。小方只月初喺香港出席活動，而Stephy就上月尾返香港出席完活動即急急腳返內地拍電影《雪山驚魂》。

小方炒樓狂賺
已經32歲的小方，今年初正式簽約內地著名經理人公司華誼兄弟，於內地拍劇拍電影賺唔少錢，更傳聞華誼以高達千萬身價才成功吸引到小方簽約，而方力申亦深懂投資之道，多年來所投資的物業均冇失手，由賣出碧瑤灣物業，加上仍持有的貝沙灣單位，賬面已賺2千多萬。搵夠老婆本，上年開始小方亦部署跟Stephy拉埋天窗，因此一齊月租約11萬租住西半山碧荔道低座洋房，跟Stephy同居。男友搵到，28歲的Stephy早前亦開到口恨嫁小方：「可能今年啩。」

方爸爸：佢哋自己決定
本週一（21日），本刊到方爸爸方毓仁於中環開設的畫廊，求證小方與Stephy年尾結婚的消息，方爸爸亦開綠燈：「結婚？個仔咁大喇，呢啲嘢佢哋自己決定啦。（有冇教個仔投資，碧瑤灣個單位賺成千幾萬喎？）我哋唔係炒樓，我哋只係賣畫嘅，好似呢間畫廊咁，有好多畫同雕塑都係Alex（方力申）收購返嚟，我哋買嚟投資冇賣出去……我哋都有買股票，𠵱家跌得咁犀利都有啲蝕啦！」小方兩父子都識投資。蝕？面嗰「浸」啫！

買畫投資
方爸自言投資畫仲好過其他，「一啲較出名的畫家，等約10年，可以升值10倍，仲話𠵱家多大陸有錢客，搞到多人爭多人炒添！」

孖住北上撈得掂
以「情侶檔」合作多年的小方及Stephy，自11年約滿金牌大風後，雙雙北上發展，有指方力申以逾千萬年薪收入簽約華誼兄弟，拍劇片酬每集約8萬人仔一集，而Stephy亦有報道指她以1千萬人民幣身價加盟北京海潤，劇集以約6萬人仔一集計算，認真和味！難怪佢哋長留內地，做分飛燕都所謂啦！


本月初小方和Stephy一齊去北京錄影「好食男女」節目，當晚Stephy煮咗兩道菜贏咗，同場仲有肥監製Wilson，夫妻檔搵錢。

投資有方
小方雖唔算係樓盤炒家，但勝在買乜都有斬獲，由03年到𠵱家，賬面已賺逾二千萬，而Stephy反而投資失利，一買即蝕。 ####

 


小方每集8萬年頭小方表弟於微博上載兩人的合照，而踢爆兩人在北京過年兼見家長，令兩人戀情更趨明朗。


Stephy每集6萬喺四川拍緊驚慄片《雪山驚魂》的Stephy，面對3,000米高海拔，日溫差大的天氣，都確實係好辛苦。


小方早排在佛山忙於同周秀娜拍《唐朝浪漫英雄》，小方於戲中更要反串扮女人，都算血汗錢囉！


唔只要適應溫差，仲要化毀客妝，Stephy都算係大犧牲。


10年Stephy曾於碧瑤灣對面的美琳苑睇樓。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄