張栢芝與謝霆鋒去年宣布離婚，分居一年期間有指栢芝對霆鋒一直餘情未了，多次希望重修舊好，可惜霆鋒每次都零反應。

栢芝見復合無望，上星期到廣州宣傳電影時全程玩心不在焉，遲到早退，亦首度開腔回應不會與霆鋒復合。但轉頭即再部署細仔Quintus舉行兩歲生日，製造一家團聚的機會，不過霆鋒在Quintus正日生日卻走去開工，更斬釘截鐵說不會復合，Lucas和Quintus兩兄弟注定單親生活下成長。

面對離婚，栢芝顯得心事重重，在宣傳電影記者會上不時緊握一雙沒有婚戒的玉手，神情呆滯。

Quintus（左）上周六（十二日）兩歲生日，姑姐謝婷婷亦送玩具車送氣球，哥哥Lucas更開心到趁機錫姑姐一啖。

為子團聚

鋒芝婚變已一年，張栢芝亦於這段分居期間，多次求復合，不時以為兒子塑造和諧的成長環境為由，要求與霆鋒同敍天倫樂，藉此重修彼此關係，希望趕及法院的離婚證明發出前，能夠大團圓結局。其實對復合一事，連拉姑、四哥一直沒阻止，拉姑日前表示：「唔可以代表佢哋答問題，阿仔做乜嘢，我只會無條件支持佢！」

上周六，鋒芝的細仔Quintus生日，當日栢芝一早為生日會打點一切，而霆鋒亦於當日一早與謝婷婷到栢芝現居的世紀大廈為細仔慶祝，在派對上大哥Lucas反而變成主角，為細佬唱完生日歌，即爭切蛋糕，又替細佬拆禮物，非常高興，霆鋒留至中午再回公司拍攝宣傳片，一直開工至深夜。對記者提問和栢芝的復合一事，他決斷地說：「冇復合。」其實栢芝為改善關係，今次Quintus生日亦一改高調作風，將生日會細節保密，只邀請家人出席，最開心的似乎是謝婷婷，只有她把Lucas和Quintus合照放上微博。

謝婷婷在Quintus兩歲生日會上玩得十分開心，即把和Lucas的合照上載到微博。