祖兒同舒文情同兄妹，上年舒文贏到「叱咤樂壇監製大獎」，祖兒喊得勁過自己攞獎！
博セ呀 23歲女藝人報稱喺錄音室被音樂人李銘豪強姦，涉案的「VI-MAX Music Studio」曾經有容祖兒、草蜢等大星錄過音，不過事後大部分歌手都話唔識當事人，劃清界線。錄音室咁危險，好在一班天王天后都有相熟studio同監製，無論係錄歌定純粹吹水打躉都非常安全，夜媽媽帶幾支紅酒上去飲都冇問題喎！

 

祖兒御用
香港有唔少錄音室，不過質素參差，貴為一姐一哥當然唔會隨便幫襯地痞studio。由容祖兒御用唱片監製舒文開辦的Zoo Music Studio，設備又齊又pro，加上舒文本身名氣夠，吸引到祖兒、Eason、李克勤和Sammi等巨星上去錄歌。不過星級監製都唔係大晒，洪卓立曾經公開投訴舒文一邊錄音一邊扯煙，搞到佢成身煙味！一姐祖兒都未試過出聲鬧監製，洪卓立都算大膽！

國際級studio
03年開設的Zoo Music Studio，位於北角蜆殼街，雖然冇張敬軒間4萬呎錄音室咁豪，只得1,600呎兩間房，但勝在多星幫襯，而且設備達國際級，屬行內數一數二的studio。

無綫星撐
曾經被周永恆指控假公濟私的鄧智偉，雖然曾經俾ICAC調查，但近年愈撈愈掂，早前更學Wyman搞作品展，請晒班TVB星撐場。身為TVB音樂總監，林峯、吳卓羲、謝天華和鄭嘉穎等親生仔例必搵鄧智偉錄音，小巨肺林欣彤仲話試過因為把聲太差而俾智偉哥趕出studio！有樂大媽撐腰，零舍有power！ ####

 


古巨基同Eason都有搵舒文造碟，兩個大細路仲喺錄音室整古做怪自拍，當正自己屋企一樣。


吳卓羲(右)認真錄音，反而鄧智偉喺隔籬自chok，難怪佢同chok峯咁啱key。


Laughing哥(左)近年有得唱電視劇主題曲，鄭嘉穎又簽咗英皇再做歌手，唔知會唔會帶挈鄧智偉賺多筆呢？



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄