初出道的關心妍（Jade）形象清純，天生單眼皮插蘇鼻，樣貌雖不算標致，總算順眼。不過為咗靚不停變臉。 09年她與金融才俊楊長智結婚，本以為她會修心養性相夫教子，但年中轉投Neway Star唱片公司後，她連仔都唔生住，計劃明年一月再踏紅館。人氣回升的關心妍，最近見報率甚高，不難發現她對眼大咗、鼻高咗，仲多咗個蝦餃下巴，與10年前相比，面目全非。上周六（10日）記者追問Jade有關整容傳聞，她說：「我已經唔介意人哋話我整容！」


01年出道的關心妍，以實力女歌手招牌響朵，當時她已透露自己好貪靚，「我細細個已經好貪靚，捨得花錢買唔同護膚品做保養。」其後更直認為貪靚和方便，做過吊線割雙眼皮。

變足十年
娛樂圈每期都有靚女出道，競爭大咗，關心妍的面容亦與時並進。據知情者透露：「Jade好介意自己個樣，佢唔係唔靚，係想再靚啲。早年割咗雙眼皮，點知承認後反應好壞參半，所以之後佢再搞過啲咩都唔肯再講。」
早年關心妍發展不俗，04年得罪無綫被雪藏，同年首次在紅館開個唱反應甚差，令其歌唱事業跌至谷底。年中由星娛樂轉投Neway Star的她，將於明年一月再踏紅館，除了積極減肥操fit身形外，個樣更是不容有失。據知月前Jade曾到外國「扮靚靚」，知情者透露：「話晒再喺紅館開個唱，Jade好緊張，幾個月前已經開始減肥，到依家減咗廿幾磅，得番95磅，成個火柴人咁。佢仲會有一part勁歌熱舞，我哋都怕佢體能頂唔住。前排佢又去咗一轉韓國，返嚟個樣又變咗，其實佢老公唔太鍾意，但老婆要咁決定都冇符。」
近排頻頻出席活動谷人氣的關心妍，不時被網民狂踩走樣。本刊翻閱她由出道至今的照片，發現其容貌一直在改變。天生插蘇鼻、包包面的Jade，出道無耐已着手改變容貌，數年間將插蘇鼻變成又直又挺的間尺鼻，而臉頰亦慢慢變尖，雙眼則愈來愈大，最近連蝦餃下巴都有埋。

網友狂插愈變愈唔掂
關心妍個樣明顯唔同咗，網友議論紛紛，有人認為全靠化妝技巧，亦有人話佢整容過度。

網民狂彈 苦笑回應
上周六（10日）關心妍出席新城頒獎禮拉票活動時，大講籌備演唱會表現興奮，「我會有part勁舞，依家好努力排舞，啲衫仲會玩透視。（老公批准咗？）佢ok嘅！佢話我性感極都有個譜。（最近有好多網民話你個樣唔同咗，讚你靚咗喎！）多謝佢哋！」Jade笑得開懷時，記者指亦有網友話佢醜咗。她無奈苦笑：「唔緊要啦，都嫁咗喇！靚同醜都冇乜所謂啦！可能瘦得太緊要啦，瘦咗23磅。（其實你介唔介意？）之前講過好多次，我已經唔介意人哋話我整容！」Jade兩年前已嫁人，紅館個唱即將舉行，夢想幾乎達成晒。今時今日，佢俾人話整容都唔介意，最緊要自己覺得靚。

阿媽係美容專家
關心妍母親張美芬曾擁有三間美容院，其中一間在藍田麗港城，專門幫客人美容及減肥。有次關心妍被指整容，她解釋說：「我媽咪開美容院，對呢方面嘅新資訊都好熟悉，我知依家科技已去到打一支針就即可改善面容缺陷，唔使一定去整容。」有個美容專家阿媽，關心妍想整靚邊度都得啦！ ####


改造後周日（11日），關心妍盛裝出席《勁歌》季選，個妝有咁濃化咁濃，係用嚟遮歲月痕跡，定係別有用意呢？


01年改造前 01年名都未改，仲係叫關惠文嘅關心妍，明顯係未經加工，單眼皮，插蘇鈎鼻仲喺度。


03年清純look 關心妍本身鼻樑唔算扁，係插蘇鼻難睇啲囉。


11年橡膠look 經過十年大改造，關心妍個鼻樑高到上眉心，包包面變V面。係咪靚晒，見仁見智。


05年
未改造插蘇鼻前，關心妍鼻翼甚闊。


09年
鼻形改造後，插蘇和鈎鼻不翼而飛，關心妍做訪問時更不避嫌影close up大側面。《蘋果日報》圖片


10年
早年已割雙眼皮的關心妍，雙眼距離愈變愈埋，仲大咗好多㖭！《蘋果日報》圖片


11年
差唔多90度角嘅間尺鼻加蝦餃下巴成為2011年關心妍最新形象。


09年與金融才俊楊長智結婚，但為咗開個唱連仔都唔生，繼續執靚樣。


關心妍自小父母離異，7歲時與哥哥往溫哥華讀書，母親張美芬要加、港兩邊走。09年關心妍結婚，關母送上鑽石戒指及珍珠鏈作嫁妝。《壹週刊》圖片


關心妍母親多年前在溫哥華投資小型美容院，及後再在香港開美容院，其中一間在藍田麗港城商場內。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄