今年三月，Kelly不幸痛失所懷的五個月孖女，她自言今胎會加倍小心，生B前絕不會離開香港。不過話口未完，上周四（8日）她為賺一百萬酬勞，山長水遠乘三個鐘長途車，到廣州出席商場騷。
第2戒 狂啃千年油炸兩
Kelly為賺一百萬酬勞，上周四（8日）長途跋涉搭三個鐘頭長途車到廣州出席活動。大肚婆唔戒口，在車上狂啃成盒炸兩，炸兩用千年油炸成，油分高而營養低，Kelly食咁多認真冇益。
第1戒 台上亂咁
周日（11日），Kelly應邀擔任黎明演唱會嘉賓，竟然亂廿四話自己個胎係「咁嘅嘢」，Kelly，你估係山草藥咩！
第3戒 煲電話粥
在車上講足半個鐘頭電話粥的Kelly，邊傾電話邊皺眉和fing手，未知是否因佗仔導致心情容易煩躁，小心輻射呀！
上周四（8日），Kelly到廣州出席活動時，冒着低溫着熱褲騷大髀，又唔怕危險着兩吋高踭鞋，認真愛靚唔愛命。
老公朝朝湊仔孕婦最緊要多休息，錫老婆的Alex近日肩負送囝囝返學重任，跪在地上為囝囝整理校服、書包，十足廿四孝爸爸。
唔敢抱蝦餃仔雖然粗身大細，不過Kelly仍堅持每日接囝囝放學，拎書包輕鬆動作當然親身上陣，不過抱囝囝重任則落在菲傭身上。
唔知犯戒條犯了多次孕婦禁忌的Kelly，周二（13日）面對記者時表示：「吓，我唔知唔做得喎！」一向大癲大肺的她，今胎真係要小心啲嘞。
Kelly更自稱已購多款平底靚鞋作準備，更向本刊記者笑問：「我對鞋係咪好靚呢？」
全站熱搜
留言列表
{{ article.title }}
