探熱針
叫兩飛 分區搵學位 蔡少芬二千萬入市
買多重保險
蔡少芬一一年以七百零七萬買入錦綉花園作為一家幾口安樂窩後，一直未有再入市。今年樓市降溫，地產界多次傳出在內地吸金力強的 Ada，定時定候蒲頭新樓盤睇示範單位，但最終令她心動「科水」的，反而是已有七年樓齡的九龍站上蓋物業凱旋門。
今年十月，蔡少芬以個人名義，買入凱旋門一個有五百五十八呎（建築面積）的高層 studio flat，作價一千二百萬，比起○六年售價五百多萬，足足貴了一倍有多。
「呢類 studio flat喺同區都好搶手，租金有兩至三釐回報，二來呢度係 DGS（女拔萃）校網，唔少家長專登搵呢類單位，方便同小朋友報學校。」一名地產經紀透露。
好學校難求，為穩陣計，本月初，蔡少芬再掟過千萬，買入同樣名校林立的灣仔囍滙二座一個一房複式單位，買多個保障。
「同老公張晉睇過灣仔區啲盤，覺得呢區值得投資……反正資金放銀行定期利息都唔高，而家買樓又有折扣，供樓當儲錢。」蔡少芬說。
今年 10月蔡少芬用個人名義， 1200萬入市買入凱旋門，兩個月後再以過千萬買入灣仔囍滙複式單位。 
推劇湊女
返內地開工都帶埋一對寶貝女在身邊的蔡少芬，對女兒將來升學尤其着緊，大女湯圓（楚兒）未滿一歲已經讀預備班，再補習英文雙管齊下，湯圓不負所望，考上陳慧琳兒子劉昇所就讀的 St Catherine's英文幼稚園。與此同時有內地劇搵上門，為免女兒上學有閃失，蔡少芬一口將幾百萬拒諸門外，專心做廿四孝媽咪。拍劇執唔少外，早前蔡少芬同友人合資開設童裝品牌「童夢工場」，並先後在金鐘和銅鑼灣區開設專櫃，開業兩個月，已拍板於尖沙咀山林道開地鋪。
上星期，蔡少芬一家四口為新鋪進行剪綵。
「金鐘嗰邊生意好好，食住個勢嘛，開地鋪都係我哋計劃之內。希望將來喺唔同地區都有分店，不過會逐步嚟，打好基礎先，因為要注重產品嘅質素，唔可以發展得太急！」蔡少芬說。
上星期蔡少芬一家四口為兒童時裝店新鋪剪綵。 
近年在內地吃得開的蔡少芬，產後密接商演搵奶粉錢。 
今年 3月細女信兒出世，同張晉因合作《一代宗師》而成為好友的章子怡，專程來港到醫院探望。 
新店位於山林道地鋪，店內掛滿蔡少芬同女兒的合照作生招牌。
廿四孝媽咪
11年誕下第一胎後，蔡少芬一切都以女兒為優先，餵奶送返學，樣樣親力親為，超級廿四孝媽咪。
餵母乳
為了女兒健康，蔡少芬堅持餵母乳，嚴格控制飲食，更自爆當年為了餵奶，要日日食足五餐；去年老公張晉更把老婆當街餵奶的照片上載微博，表揚母愛偉大。
安樂窩
為了讓下一代有更佳居住環境，即使樓價高漲，蔡少芬與張晉樓照買，以七百萬購下元朗錦綉花園，再斥資二百萬裝修新居。
賺少啲
在內地接 job接到手軟的蔡少芬，為了照顧楚兒推掉了不少賺快錢機會，已經生了兩個女的她，聲言等女兒再大一點才復出還劇債。
留言列表
{{ article.title }}
