探熱針
玩嘢頒獎禮 張智霖取消慶功宴
阿靚唔失望
有收視保證的張智霖，捱義氣為無綫救亡，接拍《衝上雲霄Ⅱ》飾演 Cool魔一角，劇集播出以來， Cool魔成為熱話，結果卻大熱倒灶失落視帝，僅以一面倒的姿態，力壓一眾無綫親生仔得「我最喜愛男角色」。
Chilam取消了在 HMV舉行的視帝慶功宴，即晚轉場與老婆袁詠儀食蠔消氣，又豪送十萬 Hermes鑽石手鐲給阿靚，盡情發洩。
「我一早就估中，根本冇希望過，當你了解呢個遊戲係點玩，就明白㗎啦，又唔係合約演員，又冇承諾過乜嘢，一早諗到係咁。」袁詠
儀說。
張智霖一早已在跑馬地 HMV Cafe訂枱慶功得視帝，結果無癮取消。 
張智霖上台領「最受歡迎電視男角色」獎時，說出「係咪 TVB有人唔鍾意我」的話，言下之意令觀眾大快人心。
Chilam是民選最喜愛男角色，得到一大班 fans冒雨撐場，他當然企定定順應 fans要求影相留念。 
Chilam同靚靚兩公婆一唱一和潤無綫。
玩殘 Chilam
無綫在頒獎禮前一星期，不斷追魂 call要張智霖度期，態度儼如 Chilam攞硬視帝，難怪 Chilam的經理人公司亦一早包定 HMV Cafe，準備與合作的工作人員慶功，豈料無綫一盆冷水照頭淋，玩謝！ Chilam上台領「我最喜愛男角色」獎時，在台上笑住說：「係唔係 TVB入面有人唔鍾意我呢？」即場寸爆無綫。
問 Chilam是否因失落視帝才如此寸嘴？他說：「冇失落，都係嗰句啦，我寧願有人戥我唔抵，好過有人覺得我唔值。講嗰句說話係因為自己真係好想問，點解民意選同 TVB專業評審差咁遠？咁又係唔係真係 TVB入面有人唔鍾意我呢？所以先問。」
黃子華得視帝，獲舊緋聞女友鄭裕玲親打電話恭賀，令子華受寵若驚。 
鎮宇俾足面坐足全場，賽果令人大跌眼鏡，他難免會木無表情，回家後更在 facebook寫上「要還的已還了，我在電視出現了」，耐人尋味。
五十萬一集
靚靚還說如果無綫要俾視帝給老公，《十月初五的月光》已經給了。
據知， Chilam已落實明年三月返內地拍三十集劇，搭檔將是紅爆的花旦劉詩詩、陳喬恩及劉愷威， Chilam穩袋一千五百萬，收獎金比攞獎更
實際。
對以五十萬一集身價拍內地劇， Chilam說：「嘩！咁快就知？係會返內地拍劇，不過如果 TVB出年有好劇本想搵我，我呢啲講義氣嘅，實會返嚟拍。」
撰文、攝影：娛樂組
留言列表
{{ article.title }}
