在《心戰》演酒吧五人組的戴耀明，中學時期常演舞台劇，畢業後選擇加入電視圈，雖然生計不成壓力，但工作卻未見起色，多年來最常見演儍仔、智障角色，做儍仔做足二十年，求的只是一個讓人認識的機會。去年戴耀明在電視圈挖角潮下仍選擇效忠無綫，只因飲水思源：「無綫話晒都養活咗我一家十幾廿年。」撰文：卓寶花

戴耀明中五畢業無心向學，前途未明，因阿媽一句話：「搵份工頂住先啦。」就去投考亞視藝員訓練班，初嘗拍劇就跟現已成為資深監製的戚其義到加拿大拍攝《李小龍傳》，第一份工作已衝出香港放眼世界，對一位剛投身社會的年輕人而言，繽紛色彩盡入眼簾，戴耀明說：「當時覺得好好玩，咁大個仔第一次坐飛機，仲要去加拿大。」

■戴耀明好動健談，入行二十年，最常演儍仔或智障人士。攝影：陳慧安

■《心戰》中戴耀明飾演侍應，更是代表陳豪（左）的心魔。

■《仁心解碼》中戴耀明擔當他慣演的病友角色。

多得戚其義關照

然而亞視傳統慣性低收視，劇集出街亦沒甚麼迴響，當時初出茅廬的戴耀明也洞悉先機，萌起離開亞視的念頭，轉投無綫打工，一做便接近二十年。戴耀明來自普通家庭，住公屋，家庭負擔不算重，尚未有太大經濟壓力。加入無綫頭幾年，戴耀明都爆騷，一直有監製找他拍劇，而同樣轉投無綫的監製戚其義有劇開也會關照他，不知不覺成為合作夥伴，演出機會不斷累積。

戴耀明演過醫生、流氓、大賊、變態佬、警察等角色，甚至醜女都試過，但最常見就是二打六的儍仔角色，要觀眾實實在在直呼戴耀明名字實在有難度，反而被人在街上叫：「呢，個儍仔呀，個低能仔呀。」來得更自然，戴耀明說：「乜嘢都做，最多係低能仔，個樣重要騎呢嗰種，一係就有包白粉袋喺身，蝦阿婆冇大志，大部份都作奸犯科，真係未試過做四正角色。」

■戴耀明在《施公奇案II》演施家管家，與主角歐陽震華（中）互動。

自知樣貌難以擔當主角，就安份做好綠葉本份，戴耀明說：「睇我個樣都知天生唔係一線，頂多咪三線，只係希望有人認同吓，好似當年處境劇陳積（顏國樑飾）同斌仔（羅君左飾）咁，令人好深刻。」戴耀明亦替所有綠葉演員平反，鼓勵大家：「一套劇冇咗我哋係唔得，臨時演員都唔可以冇啦，唔能夠只係主線演員對答，紅花側邊冇綠葉唔會靚，成個構圖畫面好重要。」因此戴耀明沒介意不斷重複騎呢角色，只求有進步，聽起來好像沒有大志，但亦很理性。

前年戴耀明有份演劇集《鐵馬尋橋》飾演排長及《巾幗梟雄之義海豪情》飾演日本軍向山達也，《巾》劇其中一幕劇情是戴耀明看着陳法拉除衫，角色激發網民談論，對戴耀明無疑是小火花，他說：「當時以為有小小進步，但一下子又停滯不前，尤其《巾》劇個角色，叫做多咗人識，但度氣一陣又冇咗，多少有啲失望。」

■變化多端的戴耀明在《黑夜彩虹》中演金毛飛，入型入格。

羨慕古明華有運

同人唔同命，在劇集《巴不得媽媽…》中飾蘇基的古明華就是一個好例子，說到此時，戴耀明認命說：「佢原本冇撈幕前，去咗配音組，我哋日日返公司都見到佢，係德哥（監製潘嘉德）叫佢玩吓做蘇基，真係一個機會，冇人知，衰啲講咁都可以畀佢撞中咗，佢本來都諗住玩吓，仲話好辛苦，日頭要配音，夜晚要開廠，點知畀佢搞掂咗，真奇妙。」

近年大部份綠葉、甘草為了獲得尊重和歸屬感，紛紛離巢過檔王維基揸弗的香港電視，戴耀明甘願留在原地等待，他說：「舊年10月有挖角潮，公司不斷搵啲藝員續約，我二話不說就簽咗兩至三年，老實講我呢啲唔係主角位，即使走，人工唔會相差太遠，演員係等一個機會同角色出現，任何機構都會有，雖然無綫

達也《義海豪情》爭氣

■在《義海豪情》中飾日本軍官向山達也，鍾情陳法拉，是戴耀明近年較有代表性之作。

現年40歲的戴耀明未婚，入行二十年，稱得上是資深綠葉，92年加入亞視藝訓班，第一套參演劇集《李小龍傳》，94年轉投無綫至今，不少無綫經典及高收視劇集他也有份演，例如《天地男兒》、《創世紀》、《溏心風暴之家好月圓》等，《鐵馬尋橋》演排長、《巾幗梟雄之義海豪情》的日本軍向山達也及《心戰》演心魔，令戴耀明跑出為人熟悉，不再局限只演儍仔角色。

唔係高薪，但都養活我全家十幾廿年。」