情侶裝拖實
未知有記者，由頭到腳着晒情侶裝嘅鄭伊健同蒙嘉慧喺酒店 check-in期間全程十指緊扣，難得七年之癢將至仍恩愛到暈。
真面目
最後浪漫 婚期拖住 蒙麵日本倒數末日
39歲蒙嘉慧（ YoYo）與 45歲鄭伊健拍拖 6年，傳結婚傳了 N次，依然未嫁得出。
拖足咁多年，伊健在今年 8月的演唱會慶功宴上，終於宣布會娶女友過門。有傳兩人會於末日「正日」 12.21拉埋，但由於時間太趕籌備唔切，最終決定將婚禮押後至 2013。一改再改，為免女友谷住條氣，伊健亦識做補鑊，週日便安排了東京甜蜜之旅，準備留喺日本，二人世界，倒數末日。
上週六出席完澳門的打手印活動，翌日（ 16日）伊健即與 YoYo飛到東京旅行，慶祝冬至兼攬住過末日。兩人刻意避開多港人出沒的新宿，選擇住在涉谷區的五星級酒店 Cerulean Tower Tokyu。該酒店的雙人房約 3千港元一晚，水頭充足的伊健當然畀得起。
伊健上房
YoYo全程負責與酒店職員溝通，戴住副眼鏡嘅伊健就單手推行李上房，分頭工作，好鬼合拍。
YoYo check-in
七年之癢十指緊扣
週日下午一點半，本刊發現伊健與零妝 YoYo在酒店 check-in，兩人相當有默契，伊健負責推行李、女友則負責攞房。 Check-in完，兩人原本十指緊扣搭𨋢上房，但眼利 YoYo發現記者，即兜後門離開。
拍拖快 7年仍然恩愛，據知兩人已鐵定下年結婚。被催婚多年，伊健首次在 8月演唱會上宣布娶 YoYo，雖然冇明確日子，但望見家鄉的 YoYo，早前忍唔住話自己放大假到 5月，暗示 5月前完婚，上月出席活動， YoYo話：「我開始睇緊結婚資料……出年先派帖，請大家畀啲時間我去準備。」
今年 8月，一向低調處理感情嘅伊健，罕有喺演唱會上公開應承娶 YoYo。
上週六同林嘉欣等人去完澳門打手印活動，翌日伊健即拖女友去東京歎二人世界。
1年去 3次
全站熱搜
留言列表
{{ article.title }}
