11月21日 與愛人同行
金燕玲之後才飛往京都會合阿蘇,連日來兩人都孖住外遊。雖然「愛人」已在身邊,但阿蘇的疲態亦輕易睇得出。當日她雖穿上鮮紅色外套,但面色都係唔多好。
有醫護人員目擊阿蘇於11月初出入養和這間化療病房,仲形容當時阿蘇行得好慢,無晒心機。
11月18日 孤獨赴日阿蘇乘坐11月18日凌晨12時半的飛機前往日本大阪。當晚10時半,她已現身機場check in,更與地勤人員有講有笑。
一人兩喼本打算在京都逗留三個月的阿蘇,帶咗兩個大喼步出大阪機場,為過冬做足準備。
11月21日 似聖誕老人有報道指阿蘇暴瘦廿磅,側面看,她肚脹水腫嘅情況好嚴重,加埋件紅色外套,有點似聖誕老人!
出動身體語言行完西芳寺,阿蘇用身體語言同司機溝通,身邊嘅金燕玲開心到笑晒口。博學多才嘅阿蘇雖然好鍾意日本,但原來佢啲日文係有限公司。
11月21日10:00am 憔悴嘆早餐阿蘇到京都後連日閉關,至21日早上10時,她終於現身大堂餐廳。此時金燕玲剛上機飛日本無耐,看來阿蘇係想快快食飽早餐等金燕玲到。
4:30pm 密友到埗 金燕玲原本下午二時多到達大阪機場,但飛機delay令她延遲了三小時,阿蘇喺酒店應該等得好苦。
做指揮官阿蘇終於與密友會合,兩人先在酒店房短敍一小時,再與友人外出。阿蘇突然成個生猛晒(右圖),指揮官上身為友人安排行程。
一行人食完懷石料理,漫步一輪才返酒店,阿蘇雖然身體抱恙,而且行得最慢,但從其笑容看來,有金燕玲在身邊的她顯得格外開懷。
避忌唔合照今年9月中,金燕玲同阿蘇一齊去尖沙嘴半島high tea,離開時見記者即彈開(左圖)唔想被人影到合照。阿蘇被問及身體狀況,仲舉起雙手扮大隻。當時阿蘇的精神狀況的確比依家好得多。
怒啤記者本周一(12日),金燕玲從寓所出發到中環文華東方酒店high tea,見到記者追訪已面露不悅。
同行的關之琳笑晒口好親民,但金燕玲對記者追問阿蘇近況就十問九唔應,兼面燶燶。
冇心機掃貨與之之一齊去Joyce掃貨的金燕玲,似乎心情唔多靚,之之掃咗唔少冬裝,金燕玲就冇斬獲。
留言列表