Naomi同大仔被沖到幾公里外，四處被海嘯破壞，搞到滿目瘡痍，雖然攬住碌木執番條命，但因為老公同兩個仔失蹤，就算餓到暈，都要死頂尋親。

西面

末日之後

2012年12月19日 ~~ 第291期 Face

仲有唔夠一星期，就係 2012年 12月 21日，即係傳聞中嘅世界末日。
講起世界末日，大家一定諗起天災人禍，「末日」後就有一套講述海嘯的災難片《海嘯奇蹟》（ The Impossible）推出應景。
《海嘯奇蹟》唔似《明日之後》屬虛構故事，全片由 04年南亞海嘯真人真事改篇，最大賣點係戲中女主角、曾演《 King Kong》的索女 Naomi Watts唔怕浸死搏命演出，抵佢成為下年奧斯卡影后大熱人選。
《海嘯奇蹟》上映日期： 2013年 1月 10日

將於下年 1月 10日香港上畫的《海嘯奇蹟》，早於今年 9月已被《多倫多國際電影節》邀請做觀摩電影，唔少睇過《海》片的影評均大讚該片能將壯觀特技融合勵志感情，直情可媲美史匹堡所拍的電影。

真人真事

故事開頭， Naomi同 Ewan兩公婆帶住 3個仔去泰國布吉旅行，一家人去度假，原本開開心心。

由真人真事改篇的《海嘯奇蹟》，講述 2004年 12月 26日，泰國發生世紀大海嘯，無數家庭失散，當中包括由 Ewan McGregor同 Naomi Watts飾演的一家五口英國家庭。 Naomi一家被海嘯沖到同老公及兩個仔失散，之後雖帶住大仔逃出生天，但要從屍骸遍地的災場尋找失去的家人，睇到都心噏。此片除壯觀的災難特技場面夠逼真，女主角 Naomi為尋找家人從逆境中掙扎求存的精神，更令人感動。

差啲浸死

拍得災難片預咗比動作片更辛苦，而《海》片女主角 Naomi Watts更自爆為拍此片差啲冇命。
雖說《海》片的災難場面大多由電腦後期加工製作，但亦有不少危險場面要由真人演出， Naomi曾試過到一急流拍攝被海嘯沖走的場面時，點知一落水真係被洪水沖走，好彩途中死捉住一條樹枝唔放先執番條命，但就飲到滿肚水，事後 Naomi就好驚咁話：「𠵱家好明白遇上海嘯災難嘅人係咩心情，真係好驚慌！」
最近美國傳媒睇好 Naomi憑此片成為下年奧斯卡「最佳女主角」大熱人選，搵命博終於有回報。

30呎巨浪
點知因地震引發海嘯， 30呎巨浪更席捲布吉沿岸，多個度假村被海嘯吞沒。而 Naomi大仔見到巨浪侵襲，驚到全身僵直，唔識反應。

攬仔逃難
由英國性格演員 Ewan McGregor主演嘅《海嘯奇蹟》，睇佢攬住兩個仔逃難，就知係災難片格局，此片由 2010年中開拍，於今年頭完工，由於片中利用大量 CG特技製作災難場面。製作費高達 3億 5千萬，超揼本。

合家團圓
經歷浩劫，最後 Naomi同老公及 3個仔都可以齊齊整整，大團圓結局。《海》片有特技又有親情， Naomi除被睇好為奧斯卡影后大熱，上週順利入圍角逐金球獎「最佳女主角」。

難民互助
Naomi同大仔被海嘯摧殘，好彩得到當地災民救助，至可以撐落去，睇佢喊得咁淒涼，真係心酸。