媽咪姐成日都話，有時睇女星喺台下過招，真係仲好睇過戲！又係周二（13日）嘅事，去完深水埗探視帝視后，媽咪姐就急急腳入咗電視城，八吓《法證先鋒3》嘅慶功宴。咦，一去到就發現張可頤同徐子珊撞衫，兩個都着住條千鳥格裙喎！


說時遲那時快，徐子珊已經走埋去當日面色唔多好嘅可頤身邊，笑晒口同成班記者講佢哋撞衫，大家梗係即刻狂影啦！張可頤俾後生女嚇一嚇，但佢好快就回過神，仲同徐子珊互相研究對方條裙，friend到呢。咁之後點？梗係各自彈開，各自修行啦！大家唔好唔記得，徐子珊係07年金像獎最佳新演員，而張可頤係03年視后噃。


張可頤出名係性格演員，高層梁乃鵬主動幫佢斟酒，佢都只係笑吓，但就好細心幫黎耀祥整理頭髮喎！ ####


撞衫啫！唔使撞埋胸喎！（設計對白）


徐子珊係世界女，忽然主動同撞衫嘅張可頤攬實影合照，仲讚前視后條裙好靚！可頤差啲都招架唔住。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄