鄭嘉穎、胡杏兒榮升視帝視后，自然聲價百倍。據聞憑古裝劇《步步驚心》攻陷內地嘅「Law霸」返大陸拍劇升到25萬一集。今個月尾，佢就會去橫店，同謝天華一齊拍四十集長劇《英雄》，三個月就賺成千萬，傳聞仲同佘詩曼翻撻，事業愛情返晒嚟！胡杏兒雖然無咁高價，但都收12萬一集，同樣豬籠入水。


視帝喺內地吃香，不過喺香港呢，就唔夠視后嚟嘞！媽咪姐喺周二（13日）去咗《怒火街頭2》嘅拍攝現場湊熱鬧，撞啱嗰時係放學時間，大班師奶印傭湊細路返屋企，個個見到視后胡杏兒即刻鬼咁雀躍！學生A話要同杏兒姐姐影合照，阿太B又攞住部手機對住「王思苦」狂影，跟住行過嘅阿叔都要加多句：「嘩！原來胡杏兒真人咁瘦㗎！」大家對視后都充滿興趣，拉住佢，唔俾走！原本企喺一邊嘅鄭嘉穎見勢色唔對，馬上放低平日嘅cool樣，主動開口同路過嘅師奶阿嬸打招呼，又抱B影相，只可惜論人氣、吸睛度始終都差杏兒一截。無辦法喎！講到尾視帝今年只喺《怒火街頭》一劇擔正，喺《Only You只有您》嘅戲份又唔算突出，但杏兒今年有《魚躍在花見》、《怒火街頭》同《萬凰之王》三套劇出街，真係無功都有勞！人氣同感情呢啲嘢，都要累積嘅，視帝你要加把勁嘞！

視帝出口
鄭嘉穎06年攞過視帝，但就俾人噓爆，加上人緣麻麻，所以灰咗幾年。今次翻生，佢明顯醒咗，見班師奶、學生對自己無乜反應，即刻開口問好，仲抱B影相㖭！但佢個樣如果可以再nice啲就更好囉！


劇情講Law霸同王思苦等人喺深水埗遇到冧樓事件，劇組準備咗三大樽爽身粉向佢哋狂撥。拍完之後，胡杏兒成腳白晒，而背後嘅藍板係後期加背景之用。 ####


你有你話《萬凰之王》無新意，但師奶細路都勁buy杏兒，個個爭住影合照，而佢亦賣大包，俯身任影，走光都冇計！贏，係有原因嘅。


人肉布景


做得視后，當然時刻不能鬆懈，當李燦森喺度呆企等埋位，杏兒就爭取時間補妝，靚晒！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄