我中學唔鍾意返屋企。（真實對白）
雖然周澄自稱搞社運，就預咗俾人起底，但佢個 facebook就好小心，冇亂放相，只係得啲老正生活照，不過話晒得 23歲女，少不免都有 V字自拍港女習性。
facebook頭條
民主女神周澄狙擊特首 金像阿媽岸西：佢啲戲唔得！
2010年06月09日
早前特首曾蔭權同高官落街向市民硬推「起錨」政改方案， o靚界民主女神周澄啄實特首，新聞全程直播， 23歲女未驚過。
呢位民主女神係導演兼金像女編劇岸西乖女，周澄上週接受 903訪問更自爆中學掛住拍拖被記缺點同唔鍾意返屋企輕狂歲月，女神一樣女生外向。高登仔熱煲之餘仲叫佢不如拍電影，不過阿媽岸西就踩話：「佢啲戲唔得，所以 cut晒！」唔知周澄鬧特首啲戲又得唔得呢？
雖然周澄不敵長毛，但據知佢萬幾票中大部分係年輕人投畀佢，係新民主女神冇講錯！
5. 16公投，大專 2012的周澄參戰新界東選區，社民連長毛（梁國雄）以 108,290票當選，周澄都以 17,260票排第二，上週五佢出席「維園六四燭光晚會」後，就直踩中大見證安放新民主女神像，其間本刊上前訪問，周澄只說：「一律不回應。」
做過老臨
女神媽岸西
真實對白：佢有帶男仔見我！
《蘋果日報》圖片
周澄貴為宅男新民主女神，更一早俾傳媒踢爆媽咪係金像編劇岸西，母女兵上陣，周澄幫阿媽客串過電影添，不過上週五（ 4日）岸西說：「我有搵過囡囡拍我套《親密》同《月滿軒尼詩》做老臨茶客，不過佢啲戲唔得，所以 cut晒！」對於乖女被捧為新民主女神，岸西就話冇理佢，「我細個係帶過佢去六四遊行，但之後冇同佢講政治，只係教佢唔好聽人講，要信自己對眼。」
同陳巧文一樣，周澄 hit咗例牌俾人起底，有指佢前男友係社民連行委成員曾浚瑛，但參選期間又俾人影到佢同大學男友拍拖互攬，邊個先真佢冇回應，阿媽就爆周澄有帶男仔見佢：「佢間中都有帶男仔見我，佢大個女，最緊要佢鍾意！」
阿媽開通，周澄早前上陳強 903《你睇我唔到》訪問亦自爆，她說：「我中學唔鍾意返屋企，同同學去便利店買嘢飲後去維園同會展坐到好夜。中學我好反叛 o架，成日俾人記過，遲到同同校男仔拍拖睇戲俾老師撞到，又記缺點！」又記過又記缺點都入到中大讀文化研究，吹佢唔脹喎！
咬住唔放
廢除功能組別！
真實對白
男方代表有「馬草泥」、民主女神就梗係周澄啦！佢自細愛抱不平，今次「起錨」親身向特首抗議反對聲音。
撐六四
上週五，周澄着開胸 tee唔扣三粒鈕出席「維園六四燭光晚會」，全程見一名四眼男貼身黐實，女神果然唔係浪得虛名。
中學親黨
本來周澄派入一間女子中學，但媽咪岸西怕佢讀師姑庵長大後唔識同男仔相處，所以寧願佢入親中的培僑中學讀書。
狂曝光
錄像訪問
周澄早前接受「壹傳媒」 VDO訪問時自稱預咗俾人偷拍，又話如果啲人鍾意揭人私隱係社會悲哀，同佢件低胸裝一樣貫徹大膽作風。
電台自爆
女神上陳強節目時透露自己中學反叛，又自稱細個好硬頸，陳強喺節目都大讚周澄話：「一個女仔敢走出嚟抗爭，好犀利！」
擺 chok pose
佢啲 fb靚相角度好識就，側面睇又瘦又似林嘉欣，難怪冧死網友。
啱啱畢業
周澄喺中大讀文化研究學士畢業，佢話嚟緊可能讀碩士，但未有打算入立法會，周澄話：「我唔想入立法會咁多掣肘。」
大茄老豆
周澄爸爸周信芳（黃圈）於老婆岸西執導的《親密》做碼頭職員大茄，企喺林嘉欣身後唔夠兩秒，原來全家都有戲癮。
起錨又惡搞
曾特首個「起錨」政改口號全民狂轟，有網民就改成超錯，不過特首高官當透明，最新仲推出由胡紅玉、夏佳理保皇黨議員，拍咗條支持廣告片，而陳淑莊同梁家傑又抄番佢哋，仲拍條惡搞片，總之咬住唔放！
明明向南偏偏向北走，幾時先到目的地？
向目標一步一步行！
胡紅玉
球證都落埋場踢波，好茅喎！
梁家傑
為民主，你我一齊贏，起錨！
夏佳理
暴力改圖
高登仔最新惡搞將特首攞住菜刀，話邊個想普選即斬，好暴力！
撰文：娛樂組
留言列表
{{ article.title }}
