千嬅與老公丁子高跟寶貝仔Torres合照全家福，可見千嬅仍未收身，但精神不俗。
六月五日寶貝仔Torres出世，楊千嬅住院四晚，上週六已秘密出院返家。佗B增重五十多磅，今次剖腹分娩，傷口縫了七層共六十針，至今傷口仍有微痛。為幫丁家繼後香燈，要老婆辛苦，丁子高除了趁千嬅留院期間秘密布置BB房，還親自設計了一個RMB鑽石吊墜，慰勞千嬅，給她多一分驚喜。
住院四晚
已經返家坐月的楊千嬅，日前向傳媒發放全家福及BB相，出世幾天的Torres，媽咪抱住，已經識得對住父母笑，是個精靈B。「喺醫院每兩個鐘就要餵一次奶，千嬅根本無覺好瞓，直至返到屋企，學識泵奶俾BB夜晚飲，佢先真係瞓到幾粒鐘；雖然有陪月，又有三個菲傭，但千嬅唔想假手於人，盡量會自己湊BB，因為要餵人奶，佢奶奶每日都煲魚湯俾千嬅飲，仲要食花膠，等傷口快啲復元。」千嬅身邊人說。生B前體重高達一百六十磅的千嬅，因為個肚太大，開刀後，傷口要縫了七層共六十針，頭兩日根本落唔到床。「生完Torres第一日，麻醉藥一過，個傷口就痛，嗰日佢唔敢點郁，痛到無晒心機！千嬅個身依家仲係肥，但起碼要個幾月後先可以做運動，仲要好小心調理！」
五變七
一般選擇剖腹分娩的產婦，產後需進行五層縫針，包括在子宮的兩層縫針，另外三層是肌肉黏膜、皮下脂肪和表皮各一層。據婦產科醫生靳嘉仁表示，如果產婦過肥，好多時都會在皮下脂肪進行多一層縫針，令傷口有更好的止血效果，另外如果產婦的肚太大，醫生亦會考慮在腹肌一層進行縫針，以防止日後會有膀胱滲尿情況出現，剖腹生產的孕婦失血會較多，若然本身有貧血的問題，康復的時間相對會較其他孕婦長。
送鑽石
家中添新成員，千嬅住院期間，丁子高全速裝修BB房。「BB同千嬅喺醫院，Real一方面要照顧老婆同個仔，但又想製造驚喜俾千嬅，所以每日探完老婆，佢就由秘密通道離開醫院，返屋企整BB房，希望老婆返到屋企見到開心，佢咁細心，千嬅真係好感動！」丁子高身邊人說。
千嬅形容自己大頭蝦，老公好細心，夾到啱啱好。由拍拖開始，丁子高每年都會送千嬅不同款的RM鑽石吊墜。
「佢喺上海有親戚開珠寶公司，每年Real都會自己設計一個鑽石吊墜送俾千嬅，今次老婆為佢生仔，佢特別設計咗個RMB鑽石吊墜送俾千嬅。」
押後復工
一索得男，各方好友送上祝福，禮物更加堆滿BB房，除了Kelly贈送價值萬多元的BB床，Torres更收了近千件BB衫。
為了專心照顧剛出世的Torres，千嬅認為初生嬰頭三個月特別要小心看顧，為免分心，於是將復工日期押後。
「原本千嬅計劃八月復工，但依家日日湊住Torres，佢唔想錯過任何一刻，所以唔會咁快復工，傾好嘅廣告，都要延後到十月先拍！」 ####
Kelly送上價值萬多元一張的BB床給千嬅，BB床更可組合不同傢俬。
除了忙碌湊B，千嬅亦為養好身體押後復工，但已決定明年再開演唱會。
留言列表
{{ article.title }}
