當街攬住唔放
上週二（六月五日）晚，低胸吊帶露出特長事業線的松崗李那，晒料出席電影煞科慶功宴，惹得場內不少男士要求影合照，她亦來者不拒。慶功宴上，松崗對糖妹的大隻男友Dominic似乎特別嗒糖，全晚黐住對方，使盡渾身解數放電。凌晨時分，high爆的松崗繼續跟實大隊，轉場到尖東唱Ｋ。搭的士的五分鐘車程上，她跟Dominic黐到埋，頭貼頭，完全當同車的沈震軒隱形。在Ｋ場一直磨住Dominic飲酒，又為對方唱日文歌的松崗，雖然翌日晨早要開工，但仍hea到凌晨四點才離場，未打算走的Dominic十分體貼，專登送她到的士站，兩人還在街頭攬實唔放數分鐘。去年底被前度撇甩而大受打擊的松崗，據知一度要食抗抑鬱藥控制情緒，其間試過自行停藥的她，過去兩個月來情緒表現得大起大落，又鍾意夜蒲搵仔溝，故十分受蒲友歡迎。
唔聽醫生話
「佢喺夜場見到靚仔，就會即刻嚟料，上個月喺Play見到余文樂，high到跳table dance，嗰晚樂仔仲同佢孖住轉場玩。失戀後Linah要食抗抑鬱藥，不過又唔聽醫生話，失驚無神停藥，可能因為咁先變到好似冇男人唔得咁。慶功宴嗰晚佢係咁扯住Dominic，之後去到Ｋ場，Linah又唱日文歌，又講埋啲唔鹹唔淡廣東話，氹到Dominic好開心。」知情者說。成為松崗獵物的組合Bro 5成員、今年二月被踢爆跟宅男女神糖妹黃山怡撻着的Dominic，早前又被指同師姐Jeana有景轟，搞到他連在公眾場合碰到對方，都自動彈遠啲，明顯怕女友糖妹誤會呷醋。但對豪放主動的松崗，他卻毫無顧忌。「我同佢拍戲對咗成個月，所以好熟，亦有同糖妹交代過呢件事。」慶功宴當晚在的士內與松崗黐到好埋，對方早走他又細心送出門口搭的士，Dominic說：「有人叫我搞掂佢。」
失戀失控
愛情無對錯之分，更無理性可言。尋常人失戀隨時嗌生嗌死，藝人分手，還要面對公眾，情緒更難控制。
張栢芝
當年張栢芝因謝霆鋒重返正印王菲身邊而成輸家，情緒大受刺激暴瘦，且經常夜蒲至精神恍惚，又對住傳媒時哭時笑。經歷過失戀最痛，去年離婚的她已懂控制情緒。
Ana R.
07年，Ana R.與拍拖多年的周立璟苦戀多年分手患上厭食症，經過一年時間，始能重新振作，回復光采。
韓君婷
被同性密友陳欣健女兒陳早茵狠飛的韓君婷，甩拖後變得自暴自棄，開工失場，且被傳媒拍得她匿在朋友家，暴飲暴食煲煙，生活行屍走肉。之後有傳她隨母親返新加坡療情傷。 ####
松崗跟Dominic孖住出席電影煞科慶功宴，影合照時，Dominic已經攬住熱情松崗。
公開戀情後，Dominic跟糖妹拍拖行商場，未有將感情低調。
筋肉人Dominic因跟師姐Jeana跑步做運動而傳出緋聞，其後踢爆同糖妹拍拖，他亦俾足面女友，避開Jeana。（《Face》圖片）
上月，松崗在夜場遇到因《春嬌與志明》而人氣超勁的余文樂，即跳table dance出擊。
留言列表
{{ article.title }}
