扁嘴一起音樂就甩嘴，陳法拉扁嘴再嚟過，但照樣走音入唔到key，索啖鼻水扮淒涼，死撐話首歌太傷感搞到佢唱唔到，究竟係太入戲？抑或佢太好戲？
除咗恨攞視后，陳法拉同樣恨做歌星，多得「老公」Neway太子薛世恒背後鼎力支持，「薛太」兩年前加盟由Neway打本投資嘅星煥國際，今年終於有期出碟做歌手。新歌已經派台，陳法拉近排密密上電台做宣傳，當然唔少得「星煥」專享嘅《勁歌金曲》。《勁歌》收視有跌冇升，平均只有十零點，但陳法拉照樣大方，大露背心口仲要開窿，如果戴埋鑽石鏈，仲以為佢做台慶！


之前孭飛拍嘅《東西宮略》收視未如人意，陳法拉大想頭做視后未係時機，演技同觀眾緣都未搞得掂，唱Live更加自暴其短，走音甩嘴要乜有乜，好在佢係無綫自己友，獲格外開恩重錄，錄咗四次，先勉強收貨，其他人，諗吓好啦！


唱唔掂，陳法拉有特權可以重錄再重錄，唱片公司高層何哲圖（無綫高層余詠珊老公）一直企响台前傍實「老闆娘」。


另外一日，陳法拉去銅鑼灣拍MV，衣著密實晒，但透露大碟封面會露腰，出定招向聲稱今年做歌手嘅Neway細新抱諸葛紫岐示威。 ####


扮慘


嗌救命



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄