楊怡恐怖餐蛋麪餵林峯

林峯、楊怡、馬國明、沈卓盈及麥長青等無綫劇集《談情說案》演員，昨日在一片被指抄襲日劇《神探伽利略》聲中，在奧海城舉行慶祝活動，但並非慶祝《談》劇收視有新突破，而是在 tvb.com網上點擊率突破 85萬。

放大圖片

楊怡煎蛋時雞手鴨腳，林峯忍不住幫手，還示範單手打蛋。

放大圖片

林峯想自己動手煮麪時被楊怡阻止，二人糾纏在一起。

死撐唔係抄日劇

眾演員昨日即場重演劇中談情片段，楊怡為林峯煮午餐肉煎蛋公仔麪，但連電磁爐也不懂怎麼使用，又將煎好的午餐肉放在未煮的公仔麪上，楊怡邊煮邊投訴說：「呢個出咗街我實嫁唔到好老公，啲人以為我唔識煮。」難怪林峯一開始已經說：「可唔可以調轉由我煮，楊怡煮嘢我有啲驚。」他還自詡廚藝比楊怡好，又示範單手打蛋兼幫手煎蛋，但反蛋時卻將蛋汁濺在楊怡身上。此外，《談》劇播出以來一直被外間圍插抄日劇，連日本傳媒也有報道，但眾演員昨日繼續強辯，林峯說：「韓劇都有抄港戲，好多地方都抄香港武打片。」楊怡則說：「我冇睇過，應該只係相似唔係刻意。」對於有人批評林峯連手勢也學足《神》劇男主角福山雅治，楊怡說：「先入為主，我都唔似柴崎幸啦！」採訪、攝影：魯萍

放大圖片

身形瘦削的趙靜儀昨日性感示人。

放大圖片

馬國明與沈卓盈在活動上玩遊戲，即場扮演床戲。

楊怡餵林峯吃麪時，男方忍不住流露古怪神情。

林峯借「抄」勢赴日發展

林峯、楊怡昨日現身奧海城，力谷無綫劇集《談情說案》。監製劉家豪指《談》最高收視三十四點，tvb.com網上點擊率突破八十五萬。林峯說：「世界盃開始，對個劇收視有影響。我上網睇番之前話日本指個劇抄襲篇報道，都係香港傳過去，冇話邊個抄邊個，取長補短，再加自己元素。（趁機赴日發展？）都好，但暫時未有人搵，希望遲啲有。（鍾嘉欣話你有王子病？）如果有死咗好多年，我係大細路啫，我同嘉欣好耐冇合作，仲拉埋嚟講，楊怡呷醋呀！」

楊怡煮即食麵，林峯試食後評：「好似意粉咁硬。」