面對難題，每人都有唔同方法去處理，有啲人會諗盡方法拆解務求甩難，亦有人完全唔理我行我素，講到尾，最緊要都係自己點睇啫。
徐子淇 停產
「恒基新抱」徐子淇上週六於中環出席MCM的周年晚宴，一直湊住三個細路的子淇，到暑假將和丈夫拍拖去旅行，最終仲會撇甩仔女二人世界。「開頭成家人去，之後和老公stay behind，唔係make baby，真無時間，依家都少少疏忽個仔。」但老爺鍾意弄孫為樂喎！「佢好唔夠時間玩孫。」
何嘉莉 升呢
曾是英皇小花的何嘉莉，有幸能提早解約轉型做幕後，○六年又嫁咗發記甜品太子爺黃逸璋，甩難唔使做，專心享師奶福。上週二她再升呢做老闆，與Moiselle太子爺陳柏熹在銅鑼灣開時裝店，開張日她身懷六個月龍B見人，「我好開心係仔，女會好黐身。」
唔使愁喎！（設計對白）羅傑承 馬照跑
上週三跑馬地跑夜馬，羅傑承愛駒有份出賽，雖然近排受到澳門前運輸工務司司長歐文龍受賄案影響，但而家矛頭似乎指向劉鑾雄，羅傑承暫且可以抖啖氣，仲有閒情去跑吓馬仔。不過羅生心情始終有影響，問上週五生日嘅佢點慶祝都十問九唔應，一支箭颷咗入去會員廂房，後隨嘅老婆梁芷珊就幫老公補飛打圓場，笑笑口話：「生日都係一家人食餐飯啦。」送乜禮物？「仲未買呀，聽日會去買。」
三太 冇人接棒
自從本週四房長女何超盈宣布分手，三太陳婉珍終於唔使俾人追住問超雲同陳山聰婚期。同日她以東華副主席出席粵劇活動，談到她想將物業管理及古董等生意交棒給子女，卻無人肯接手，「大嘅只做佢鍾意嘅嘢，細嗰個仲想玩，超蓮仲會讀碩士。」 ####
全站熱搜
留言列表
{{ article.title }}
