試戲都出動真眼淚，蔡少芬攬住龔嘉欣話喊就喊，鼻水都流埋。
內地劇《甄環傳》熱爆，帶挈劇中飾演皇后嘅蔡少芬荷包滿瀉，除咗拍劇身價由十萬人仔加到二十萬一集，商演更加接到唔停手。當初落實接《甄》劇先發現有咗，蔡少芬照去，證明B女張楚兒旺財又旺收視！


啱啱响松江出席完搵錢公開活動，蔡少芬帶埋旺財B女坐高鐵落橫店為《金枝慾孽貳》埋位，開完工夜晚又要湊女，但佢一樣冇甩轆。話說有場戲講佢跑埋條柱側邊跪低喊，由試位到正式，除咗一次因為走錯位自己忍唔住笑，其餘四個take，蔡少芬啲眼淚同開水喉冇分別，話喊就喊。點知睇番playback，導演戚其義發現out focus要求嚟過，蔡少芬即刻有投訴：「觀眾睇劇情，點會睇out唔out呀！」監製永遠是對的，傳聞蔡少芬收六萬一集拍《金枝貳》，想將價就貨當然冇可能，唯有再喊過。要湊女又要拍劇嘅除咗蔡少芬，仲有韋家雄。舊年拍《4 In Love》傳佢高攀港姐冠軍葉翠翠只係宣傳屎橋，韋家雄有女朋友，個樣仲唔差，今次上橫店，女友跟到實充當保母，搞到緋聞女友葉翠翠唔敢埋身。又係嘅，再傳緋聞事小，俾人話兩位美女爭一隻野獸先至。

阿Mo請食飯####


監製戚其義睇完片唔收貨，要嚟多take嘅蔡少芬當堂冇表情。


帶埋正印女友上橫店，韋家雄同「舊愛」葉翠翠一齊開工，幾乎零交流。


一直有傳港姐出身嘅簡慕華，同監製戚其義關係非比尋常，當日做完開工拜神儀式，簡慕華同戚監製講：「我要上房攞番啲嘢！」戚其義即刻响斜孭袋入面攞張匙卡俾佢，關係的確唔簡單！


星期一（六月十一日）陳豪call齊台前幕後請食蒙古烤羊肉，除咗葉翠翠、伍姑娘無到，其他全部賞面，開咗四圍枱。


食足兩個幾鐘，蔡少芬一手抱旺財B女，一手食串燒。


四枱人埋單三千人仔，抵！


老公張晉喺北京開工，蔡少芬唯有帶埋旺財B女張楚兒一齊去橫店拍《金枝貳》。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄