11/12一日拍三首歌 MV，成為 bma一姐嘅 Gin Lee相當緊張，一邊睇 reply一邊畀意見，睇吓個樣幾有霸氣！ 

真面目

一人球隊　霸氣做一姐　 Gin Lee：我自己揸弗

做一姐除咗本身有實力，仲要講際遇。
26歲 Gin Lee（李幸倪）， 11年加入 bma，但當時有周麗淇、曹格，加上老闆羅傑承又全力發展南華足球隊，令 Gin Lee未有太多人留意。
不過今時唔同往日，當日阿哥阿姐走晒，剩低嘅 Gin Lee自動上位，公司資源一人獨霸，請晒最貴音樂人 Eric Kwok、舒文做班底，宣傳費又加碼。拍 MV仲有成隊兵跟身， Gin Lee風騷話︰「公司都係錫我啫。」

 

來自馬來西亞、 26歲 Gin Lee（李幸倪）先後去過台灣《超級偶像》、香港《超級巨聲》踢館，靠實力 sell自己。其實 Gin Lee音樂世家出身，又係音樂學士，絕對係唱得兼全能音樂人。 11年簽約 bma，但當時有周麗淇、曹格等阿哥阿姐，做阿二爭資源始終蝕底啲。


老闆娘堅錫Gin Lee 11年簽約 bma已被老闆娘梁芷珊錫到燶，兩人攬到實去 high tea。《壹週刊》圖片 

專人服侍以前公司集中喺周麗淇，𠵱家就全力谷 Gin Lee，梳頭、化妝呢啲一姐排場當然唔少得。 

頻睇樓盤升做「一姐」， Gin Lee開始諗住定居，住慣青衣嘅佢，早前由助手陪同喺青衣搵樓盤。

曹格衰形象差

Gin Lee喺 bma初期，平日出騷做嘢都未必有助手跟身，但最近 Gin Lee出現例有 5、 6人傍實，皆因公司歌手陸續滿約，周國賢要陪韓籍老婆醫病而移居加拿大；而曹格亦因醉酒爆粗形象插水不獲續約，公司現只剩 Gin Lee有得留低。知情人士說︰「公司一直覺得佢唱得，作曲、填詞都冇問題，差咗啲機會啫，佢初入嚟，羅太（梁芷珊）租貝沙灣畀佢住㗎！」 Gin Lee升呢，為免滿約又走人，公司即派人同 Gin Lee睇青衣樓盤，希望 Gin Lee可以喺香港長住。


羅傑承捲入澳門大劉案，近年都甚少出席公開活動，而公司在今年中人事大變動，但據聞老闆仍點名力捧 Gin Lee。《蘋果日報》圖片 

新碟《 ginetic》上月中推出，班底有 Eric Kwok、舒文；宣傳除咗流動廣告車，仲落電視廣告，非常揼本。 

新碟使 200萬


改朝換代自從周麗淇、陳貝兒雜巢之後，一哥曹格又再衰醉酒、周國賢又要陪妻醫病， bma剩番 Gin Lee同組合 Yellow。 

新碟《 ginetic》上月推出，除咗宣傳費增加，更喺無綫大賣電視廣告，明年「四大」可出席頒獎禮，正好為 Gin Lee鋪路。早前 Gin Lee喺灣仔拍 MV亦成隊兵跟身，同以往冇人冇物好大分別。拍攝期間， Gin Lee亦高度參與，每拍一個鏡頭都要求即刻睇 playback，對於升為一姐， Gin Lee說︰「唔好咁講，公司都係錫我啫，畀咗好多資源我，成隻碟使咗 200萬，搵咗 Eric Kwok、舒文造歌，隻碟真係我自己揸弗㗎。」

15年「四大」有份


上週六（ 21日）， Gin Lee有份出席《勁歌金曲馬拉松》，有兩首歌入選嘅 Gin Lee好有機會㗎！ 

無綫對四大唱片公司有限度解封，上週六(21日)舉行 5小時馬拉松音樂騷，華納、環球都有歌手出席表演，據聞 15年頒獎禮玩公投，歌曲、女歌手、男歌手獎都全民投票，「四大」歌手嘅歌曲唔需要再上榜就可以入選。不過無綫「星夢娛樂」旗下有鄭俊弘、許廷鏗等「親生仔」，據聞英皇仍未妥協，而曾經係「五大」之一的 bma，已經修復關係。


採訪、撰文：娛樂組
攝影：賴穎雋、林迅景

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄