娛樂八掛大放送★

甜姐兒爆乳惹非議徐淑敏帶囡囡玩轉迪士尼

C Cup咪神徐淑敏（ Suki）產後上圍更見豐滿，近日復出主持無綫飲食節目《甜姐兒》，鏡頭前的她低胸賣甜品，惹師奶觀眾反感， Suki昨日聞言即大講唔好意思。鏡頭以外，她日前以密實人妻打扮跟老公帶着一對囡囡遊迪士尼享親子樂，同時也為奶奶賀壽。

其他娛樂名人影片

兩女之母咪神徐淑敏，今年 9月產下幼女 Renee，坐月收身後，她上月隨即孖糖妹和丁樂鍶主持飲食節目《甜姐兒》， Suki在三女中身材最勁爆，為了吸引觀眾食慾，咪神頻頻低胸打扮出鏡，攝影師又大特寫 Suki的胸部，宅男歡迎，卻惹師奶投訴，網民即力撐咪神衣着平常。對於衣着暴露令師奶反感， Suki昨日在電話中說：「唔好意思，其實啲衫係以前着開，可能我肥咗少少，電視同影相出嚟好唔同，我睇電視都有啲尷尬，我會注意吓。」 Suki日前剛完成《甜姐兒》錄影工作，她樂得輕鬆享親子樂，潮媽日前帶着家人到迪士尼樂園耍樂，為奶奶賀壽，同時幼女 Renee也剛滿 3個月，三代同堂嫲孫同時慶祝。

放大圖片

日前徐淑敏奶奶生日，適逢幼女 Renee也滿 3個月，嫲孫三代同堂慶祝。

放大圖片

徐淑敏的爸媽也來探望外孫。

囡囡驚玩木馬 放大圖片

低胸上陣的徐淑敏主持甜品節目，遭師奶觀眾投訴。電視圖片

家人給 Suki無限正能量，所以她也樂於回饋，當天 Suki和老公黃浩帶着長女 Vianna大玩機動遊戲，兩母女更坐旋轉木馬，得 Vianna笑呵呵， Suki說：「 Vianna最初有啲驚，係咁叫我陪坐，於是我哋就一齊坐，玩完佢又話要再玩。」其後一家人又往看 4D show，三口子戴上立體眼鏡拍照，組成黑超家庭， Suki大爆囡囡睇騷趣事說：「佢睇得好投入，見到有卡通人物彈出嚟，佢都嚇咗一跳，但走時猛同我講玩得好開心。」採訪：比華利


徐淑敏和老公黃浩帶着長女 Vianna到迪士尼樂園提早過聖誕。