句句金
莊思敏早前與「孿生姊妹」Cammi、Nel Nel一齊出席活動，其間不但暗指Cammi似《阿凡達》外星人，仲寸爆對方：今日啲人樣好怪！佢覺得人哋樣怪，人哋何嘗唔覺得佢個樣怪。寸人逞一時威風好多人都識，識留有餘地表現大將之風嘅，原來真係冇乜幾個。
魯芬於《亞洲先生競選》任「神秘女神」，佢笑言：全世界啲女人死晒，我咪就係女神囉。都唔係咁講嘅， 寃豬頭都有盟鼻菩薩， 佢未遇到惜花人啫。
千嬅被傳懷孕，丁子高出席活動時難掩興奮：恨不得喺條街度大叫「我係爸爸」。唔使好耐啫， 等多一個月佢就名正言順可以大叫啦。
謝天華爭奪視帝失敗， 劇集拍檔陳法拉直言對方冇失落，不但有戲拍仲賺多咗錢， 佢已經到咗事業高峰。
嘩，事業高峰之後就會……咁「咒」人似乎唔係咁好喎。
森美早前開騷， 笑黎明因為「金句」多， 先至咁多女人鍾意：要女人臣服你，講啲女人唔明嘅說話就可以。唔一定語無倫次先令女人臣服嘅！劉華、郭富城講嘢易聽又容易明白，咪一樣咁多女人鍾意。
張馨予、潘霜霜曾幾何時老友鬼鬼，不過兩人早前正式反面，霜霜更劃清界線：我不希望用負面新聞去爭取知名度，這污辱我的人格。唓，峯霜醜聞已經令佢人格掃地，乜佢仲有貨剩俾人污辱咩？ ####
全站熱搜
留言列表
{{ article.title }}
