揞名爆 大婆台嘅「倀雞鳳」既麻煩又霸道，不但同佢合作過嘅藝人話佢難頂，連高層甚至普通小工都怕咗佢。所以有人讚同佢合作拍《百鳥皇后》嘅「冏冏」忍耐力一流喎。

 
話說有次，「倀雞鳳」跟劇組出外景，地點係九龍最旺嘅區。嗰度平日無事都好多人，依家有人拍戲喎，圍觀嘅人梗係裏三層外三層啦。有啲人攞住手機猛咁影相，搞到「倀雞鳳」好唔like，竟然開口鬧啲睇拍劇嘅途人，話人哋阻住晒，影響拍劇情緒，阻住收工喎。之後佢又向導演發炮，話佢做乜唔趕人？導演俾佢咁噴法好無奈，惟有叫工作人員將fans驅趕。事後媽咪姐聽番當日有份開工嘅老友話，「有啲途人見佢咁惡，忍唔住鬧番『倀雞鳳』，仲話佢咁寸，抵佢撈唔起。」唉，就算幾唔高興，都要有藝人嘅修養，何況大街大巷潑婦罵街，咪盞俾人笑？ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄