周日（18日）喺澳門有場90年代NBA球星嘅明星賽，咁「那些年」，媽咪姐梗有去捧場啦。同場仲見到孫耀威同陳美詩拍住拖去睇波，而平時鍾意chok樣嘅老孫忽然變成小粉絲囉！


當日佢買咗最貴最近籃球架嘅二千蚊飛，球星送禮物嘅時候，佢已經不停撲前想攞，但都係得個吉。睇乜嘢show都好， 一般嘅港星都會走先，費事散場同人迫。點知老孫竟然一反常態，留到最尾，仲企埋人堆中博同球星握手。此情此景，媽咪姐真係大開眼界！ ####


我跳！5呎7都變6呎2呀！﹙設計對白﹚孫耀威最終唔止握到手，臨尾仲跳高扮射籃，同身邊球星影相，媽咪姐捉到呢幕，唔知負責幫男朋友影相嘅陳美詩，又夠唔夠手快呢？


孫耀威睇得入神唔出奇，奇在連陳美詩都咁投入，不過一代球星，確係好吸引嘅！


將近完場，孫耀威、陳美詩同前座嘅小朋友討論起賽事上嚟，真係男女老幼都啱睇喎！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄